Ford awtoulag öndürijisi “Mach-Eau” atly hoşboý ysy tanyşdyrdy. Ol benzin ysyny küýseýän täze "Mach-E GT" elektrikli awtoulagynyň eýeleri üçin niýetlenendir diýip, ferra.ru ýazýar.
Kompaniýanyň özi “premium-klasyň ysynyň” doly elektrikleşdirilen täze elektrikli Mustang "Mach-E GT"-niň güýjüni isleýän, emma adaty benzinli awtoulaglaryň özüne çekiji yslaryna höwesli awtoulag eýeleri üçin niýetlenendigini nygtaýar.
Ford tarapyndan geçirilen pikir soraşmalarynyň netijelerine görä, oňa gatnaşyjylaryň, takmynan, 70%-i belli bir derejede benzin ysyny küýseýär. Täze ys benzin, tüsse we rezin ysynyň "ýokundylaryny" özünde birleşdirýär. Atyry diňe elektrik Mustang bilen bile satyn alyp bolýar diýip, çeşme nygtaýar.
Belläp geçsek, “Ford Mustang Mach-E” yzky tigiri we ähli tigirleri çekişli wersiýalarda öndürilýär. Onuň güýç agregatynyň kuwwaty 465 at güýjüne ýetýär. Şeýle hem awtoulag 5 sekuntda 100 kilometr/sagat tizlige ýetip bilýär.
