Olimpiadany guraýjylar Tokiodaky stadionlary tomaşaçylar üçin ýapmak kararyna geldiler

  • 12.07.2021 12:55
  • 5.8k+

Tokioda geçiriljek Olimpiadany guraýjylar Tokio, Kanagawa, Tiba we Saýtama prefekturalaryny öz içine alýan paýtagt sebitinde geçiriljek ýaryşlara ýerli tomaşaçylary goýbermezlik kararyna geldiler. Bu barada Kyodo agentligi habar berýär diýip, sportrbc.ru belleýär.

Şol bir wagtyň özünde, Oýunlary guraýjylar Miýagi, Fukusima, Ibaraki we Sidzuoka prefekturalarynda geçiriljek ýaryşlara ýerli tomaşaçylary goýbermeli diýen netijä geldiler. 
Olimpiadanyň ýaryşlarynyň köpüsi paýtagt sebitinde geçiriler. Miýagi we Ibaraki prefekturasynda käbir futbol oýunlary, Sidzuokada welotrek we mauntinbaýk (dag welosporty) boýunça ýaryşlar, Fukusimada bolsa beýsbol hem-de softbol boýunça ýaryşlar geçiriler.
Öň, guramaçylar daşary ýurtly janköýerleri münberlere goýbermekden boýun gaçyrypdylar.
Penşenbe güni Halkara olimpiýa komitetiniň, Halkara paralimpiýa komitetiniň, Ýaponiýanyň hökümetiniň, Tokionyň administrasiýasynyň we Olimpiadanyň guramaçylyk komitetiniň wekilleriniň gatnaşmagynda mejlis geçirildi. Şondan soň bu karar barada resmi taýdan habar berildi. 
Penşenbe güni Ýaponiýanyň hökümeti Tokioda adatdan daşary ýagdaý düzgünini girizdi, ol 12-nji iýuldan 22-nji awgust aralygynda hereket eder. Ýapon hökümeti Tokioda adatdan daşary ýagdaý düzgünini eýýäm dördünji gezek girizýär.


05.05.2025 15:19
4.9k+

Ýaponiýaly boksçy Naoýa Inoue dördünji gezek absolýut çempion titulyny gorady

Las-Wegasda (ABŞ) 5-nji maýa geçilen gije professional boks agşamy geçirildi. Agşamyň esasy söweşinde ýaponiýaly Naoýa Inoue amerikaly Ramon Kardenasy tehniki nokaut bilen ýeňdi we yzygider dördünji gezek ikinji ýeňil agramda absolýut çempion adyny gorady...

06.04.2025 16:09
1.9k+

Maks Werstappen Ýaponiýanyň Gran-prisinde yzly-yzyna dördünji gezek ýeňiji boldy

27 ýaşly niderlandly ýaryş sürüjisi hem-de Formula-1-iň dört gezek çempiony Maks Werstappen «Red Bull» toparynyň wekili hökmünde «Suzuka» ýaryş ýolunda geçirilen Ýaponiýanyň Gran-prisinde yzly-yzyna dördünji ýeňşini...

30.01.2025 23:05
3.9k+

Ýaponiýaly snoubordçy dünýäde ilkinji bolup 6,5 öwrümli böküşi amala aşyrdy

19 ýaşly ýaponiýaly snoubordçy Hiroto Ogiwara dünýäde ilkinji bolup 2340 gradus (6,5 öwrüm) aýlawly böküşi amala aşyrdy. ABŞ-nyň Aspen şäherinde geçirilen X Games ýaryşynda big-eýr dissiplinasynda dünýä rekordyny...

31.07.2024 13:17
2.5k+

Ýaponiýanyň öňdeligi we “hamyla” türgen: Olimpiadanyň 4-nji gününiň esasy wakalary

Ýaponiýanyň milli ýygyndysy dördünji ýaryş güni tamamlanandan soň Parižde dowam edýän Olimpiadanyň medal sanawynda öňdeligini saklady. 30-njy iýulda dzýudoçy Takanori Nagase 81 kg çenli agram derejesinde altyn...