Messi Argentinanyň düzüminde ilkinji uly baýragyny gazandy

  • 11.07.2021 09:18
  • 16k+

Argentinanyň milli ýygyndysynyň kapitany Lionel Messi esasy toparyň düzüminde ilkinji uly baýragyny gazandy. Ýekşenbe gününe geçilýän gijede argentinalylar Amerikanyň Kubogynyň finalynda Braziliýanyň milli toparyny 1-0 hasabynda utdular.

2008-nji ýylda Messi Argentinanyň olimpiýa ýygyndysynyň düzüminde Pekinde geçirilen Oýunlarda altyn medal gazandy. Ol ýurduň esasy topary bilen bilelikde üç gezek Amerikanyň Kubogynyň kümüş baýrakçysy boldy, bir gezek dünýä çempionatynyň kümüş we Amerikanyň Kubogynyň bürünç medalyna eýe boldy.
Tamamlanan ýaryşda Messi dört gol girizdi we bäş netijeli geçirim etdi, ol Amerikanyň Kubogynyň iň gowy oýunçysy diýlip ykrar edildi. Messi bu ady braziliýaly Neýmar bilen paýlaşdy.
Messi 34 ýaşynda, ol Ispaniýanyň “Barselona” akademiýasynyň ýetişdiren oýunçysy bolup, esasy toparda 2004-nji ýylda ilkinji gezek çykyş etdi. Häzirki wagtda argentinaly oýunçy şertnamasyz, onuň “Barselona” bilen şertnamasynyň möhleti 1-nji iýulda tamamlandy. Messi alty gezek “Altyn topuň” eýesi boldy, bu rekorddyr. Ol “Barselona” bilen bilelikde dört gezek Çempionlar ligasynyň ýeňijisi boldy we 10 gezek Ispaniýanyň çempionatynda ýeňiş gazandy.


düýn 21:15
9k+

«Arkadag» FK ikinji gezek Türkmenistanyň Naýbaşy kubogyny aldy

«Arkadag» futbol topary Türkmenistanyň Naýbaşy kubogyny yzly-yzyna ikinji gezek eýeledi. Aşgabatdaky «Nusaý» stadionynda geçirilen duşuşykda «Arkadag» «Ahaldan» 3:0 hasabynda üstün çykdy. Ýeňijileriň düzüminde iki goly Altymyrat Annadurdyýew (52-nji hem-de 63-nji minutlar), ýene bir topy bolsa Mirza Beknazarow (14) geçirdi...

23.09.2025 11:03
6k+

Wiktor Dýokereş iň gowy bombardir bolup, Gerd Mýuller baýragyny aldy

Tomusky transfer penjiresinde “Arsenalyň” oýunçysy bolan Wiktor Dýokereş France Football tarapyndan möwsümiň jemi boýunça iň gowy bombardir diýlip ykrar edildi. Ol Gerd Mýuller adyndaky baýraga mynasyp boldy. Geçen möwsümde Dýokereş Lissabonyň “Sportinginde” oýnap, Portugaliýanyň çempionatyny we Kubogyny utdy...

23.09.2025 11:01
4.8k+

“PSŽ” – möwsümiň iň gowy kluby, Luis Enrike – iň gowy tälimçi

Fransiýanyň “PSŽ” kluby France Football žurnaly tarapyndan möwsümiň iň gowy futbol kluby, oňa ýolbaşçylyk edýän Luis Enrike bolsa iň gowy tälimçi diýlip ykrar edildi. Dabara duşenbe güni Parižde geçirildi. Geçen möwsümde “PSŽ” Çempionlar ligasynda, Fransiýanyň çempionatynda, Kubogynda we Superkubogynda ýeňiji boldy...

23.09.2025 11:00
4k+

Donnarumma iň gowy derwezeban hökmünde Lew Ýaşin baýragyny aldy

Italiýanyň milli futbol ýygyndysynyň derwezebany Janluiji Donnarumma France Football žurnaly tarapyndan möwsümiň iň gowy derwezebany hökmünde Lew Ýaşin adyndaky baýraga mynasyp boldy. Baýragy oňa watandaşy – Italiýanyň milli ýygyndysynyň öňki derwezebany Janluiji Buffon gowşurdy...