Türkmenistanyň «Türkmenbaşy» döwlet täjirçilik banky guramaçylyk-hukuk görnüşi açyk görnüşli paýdarlar jemgyýeti bolan «Türkmenbaşy» paýdarlar täjirçilik bankyna öwrüler.
Degişli Karara Türkmenistanyň Prezidenti gol çekdi.
Resminama laýyklykda, «Türkmenbaşy» paýdarlar täjirçilik bankyny esaslandyryjylar hökmünde Maliýe we ykdysadyýet ministrligine – esaslyk maýadaky paýy 99 göterim hem-de Türkmenistanyň Döwlet ätiýaçlandyryş guramasyna – esaslyk maýadaky paýy 1 göterim möçberde paýly gatnaşmaga ygtyýar berildi.
