Kataryň Hökümeti bu ýurtda 2022-nji ýylda geçiriljek Futbol boýunça dünýä çempionatyna gatnaşmak isleýän janköýerler üçin täze görnüşli koronawirus ýokajyna garşy 1 million doza sanjym taýýarlar. Bu barada Kataryň Premýer-ministri, Ministrler Kabinetiniň Başlygy Şeýh Haled ben Halifa Al Taniniň sözlerine salgylanyp, trend.az saýty habar berýär.
Kataryň habarlar agentligi Şeýh Haled Al Taniniň: «Oňa çenli käbir ýurtlaryň öz raýatlaryny doly sanjym edip bilmejekleri güman edilýär. Katar bolsa janköýerlere koronawirusa garşy doly sanjym edilmezden, olaryň stadionlara çykmagyna ýol bermez. Şonuň üçin hem häzirki wagtda biz kompaniýalaryň birinden 1 million doza sanjym satyn almak boýunça gepleşikleri geçirýäris» diýen sözlerini getirýär.
«Futbol boýunça dünýä çempionaty üçin Katara geljeklere sanjym edilmeginiň esasy maksady myhmanlardyr ýurduň ýaşaýjylarynyň saglygyny goramakdyr» diýip, ol aýdýar. Premýer-ministriň sözlerine görä, 2,75 million ilatly Katarda geljek hepdeleriň dowamynda ilatyň 72 göterimine azyndan bir doza sanjym ediler.
