Amerikaly meşhur aýdymçy Billi Aýliş muşdaklaryny nobatdaky gezek geň galdyrdy: onuň täze çykaran klibi 24 sagadyň dowamynda 10 milliondan gowrak gezek tomaşa edildi. Bu barada Sputnik gullugy habar berdi.
Aýdymçynyň premýeradan soňky ilkinji 24 sagadyň dowamynda “YouTube” platformasynda rekord derejede tomaşa edilen klibiniň aýdymy “Lost cause” diýlip atlandyrylýar. Bu kompozisiýada söýgülisine gül berip bilmeýän işsiz adam hakynda beýan edilýär. Aýdymyň Billi Aýlişiň 30-njy iýulda çykmagy meýilleşdirilýän täze albomyna hem girmegine garaşylýar. “Lost cause” klibinde Billiniň dostlary bilen tans edýän epizodlaryna hem aýratyn orun berlipdir.
Billiniň özi täze çykjak albomynyň şu wagta çenli üstünde işlän iň gowy taslamasydygyny, ony janköýerlerine görkezmäge howlugýandygyny ozal birnäçe gezek aýdypdy.
