Fransiýanyň Kann şäheri sabyrsyzlyk bilen myhmanlara garaşýar. Şu ýylyň 6 — 17-nji iýuly aralygynda bu şäherde meşhur Kann kinofestiwaly geçiriler. Adatça her ýylyň maý aýynda geçirilýän bu çäräniň iýula süýşürilmegi şoňa çenli Fransiýada käbir çäklendirmeleriň ýatyryljakdygy bilen baglanyşyklydyr.
Häzir kaşaň apartamentler bilen birlikde, az býujetli myhmanhanalaryň hem otaglarynyň bronlanyş derejesi haýal. Çaklamalara görä, myhmanhanalaryň diňe 25 göterimi adamly bolar. Muňa garamazdan, işgärler hemme zadyň gowy boljakdygyna ynanýarlar.
Iýunyň ahyryna çenli myhmanhanalardyr restoranlaryň ählisiniň işgärlerine sanjym ediler. Biz festiwala gatnaşyjylary we syýahatçylary kabul edip, olaryň howpsuzlygyny kepillendirmäge taýýar — diýip, Kann şäheriniň Myhmanhanalar birleşiginiň başlygy Kristin Welter belleýär. Pandemiýadan öňki ýyllarda bu meşhur kinofestiwala tomaşa edýänleriň sany 40 müňe adama golaýlaýardy, ýöne bu ýyl myhmanlaryň sany iki esse az bolar.
