Iki agram kategoriýasynda UFC-niň ozalky çempiony Žorž Sen-Pýer ýeňil agramda ozalky çempion Habib Nurmagomedowa söweşmegi teklip etdi. Bu barada UFC-niň prezidenti Deýna Uaýta salgylanyp, Nurmagomedowyň menejeri Ali Abdel-Aziz gürrüň berýär diýip, championat.com belleýär.
“On gün mundan öň maňa Uaýt jaň edip, Sen-Pýeriň Habib bilen söweşmek isleýändigini aýtdy. Ýarym orta agramda titul däl söweşi.
Biz Žorža dört ýa-da bäş ýyl garaşdyk, ol bir görseň-ä, razy bolýardy, bir görseňem, ýok. Ahyrynda, UFC onuň ýeňil agramda söweşmegini isledi, ol bolsa ýarym orta agrama geçdi. Indi welin ol şeýle diýýär: men karýeramy tamamladym, Habib hem tamamlady, ony dikeltmek we söweşmek nähili bolar?” – diýip, Bloody Elbow menejeriň sözlerini getirýär.
Sen-Pýer 2019-njy ýylyň fewral aýynda, Nurmagomedow 2020-nji ýylyň oktýabr aýynda karýerasyny tamamlaýandygyny mälim etdi. 2021-nji ýylyň mart aýynda rus söweşijisi bu gelen netijesini resmi taýdan tassyklady.
