Madridiň "Atletikosy" 11-nji gezek La Liganyň çempiony boldy

  • 23.05.2021 12:32
  • 8.1k+

Ispaniýanyň La Ligasynyň jemleýji 38-nji tapgyrynda Madridiň “Atletikosy” "Walýadolidi" ýeňdi. Duşuşyk Walýadoliddäki “Hose Sorrilýa” stadionynda geçdi we 2:1 hasabynda madridlileriň peýdasyna tamamlandy.

Ýer eýeleri hasaby ilkinji bolup açdylar. Duşuşygyň 18-nji minudynda “Walýadolidiň” hüjümçisi Oskar Plano gol geçirdi. Duşuşygyň 57-nji minudynda "Atletikonyň" hüjümçisi Anhel Korrea hasaby deňledi. 67-nji minutda La Ligadaky 21-nji goluny geçirip,  urugwaýly hüjümçi Luis Suarez duşuşygyň gahrymany boldy.

Şeýlelikde, “Atletiko” 38 oýunda 86 utuk toplady we 2020/2021 möwsümde Ispaniýanyň La Ligasynda iň ýakyn bäsdeşi “Real”-dan iki utuk öňe saýlandy. "Walýadolid" (31) 19-njy bolup, Segunda düşdi.

Bu Ispaniýanyň çempionatynda madrid klubunyň 11-nji çempionlygydyr.

Mundan öň, tälimçi Diego Simeone 2013/14 möwsüminde “Atletikony” çempionlyga alyp bardy.

2020/21-nji möwsümde La Ligada üçünji orny "Barselona", ​​dördünji orny "Sewilýa" eýeledi.

düýn 17:42
5.3k+

Kewin de Brýoýne resmi taýdan “Napoliniň” oýunçysy boldy

Belgiýaly ýarymgoragçy Kewin de Brýoýne “Napoliniň” oýunçysy boldy. Bu barada italýan klubunyň metbugat gullugy habar berdi. “Şa Kew şu ýerde” – diýlip, “Napoliniň” X sosial ulgamyndaky (ozal Twitter) habarynda aýdylýar...

düýn 12:19
8.3k+

Aleksander-Arnold “Realyň” oýunçysy boldy we 12-nji belgini aldy

12-nji iýunda “Real Madrid Sitide” Madridiň “Realynyň” täze gyraky goragçysy Trent Aleksander-Arnoldyň resmi tanyşdyrylyşy geçirildi. 26 ýaşly angliýaly futbolçy bilen şertnama alty ýyl hereket eder. Täze klubda Trent 12-nji belgi bilen oýnar...

düýn 10:14
3k+

“Bawariýa” adidas-dan täze öý eşigini görkezdi

Mýunheniň “Bawariýasy” 2025/2026 möwsümi üçin täze öý eşigini hödürledi. Klubuň tehniki hemaýatkäri bolup Germaniýanyň adidas kompaniýasy çykyş edýär. Täze eşik toplumy adaty gyzyl-ak reňklerde ýerine ýetirildi, ýöne onda “M” harpyny emele getirýän özboluşly “glitç” effekti bar...

12.06.2025 22:04
1.6k+

2026-njy ýylyň “Formula-1” möwsüminde Madridde hem ýaryş geçiriler

Halkara awtomobil federasiýasy (FIA) we “Formula-1-iň” ýolbaşçylygy 2026-njy ýyl möwsüminiň dünýä çempionatynyň senenamasyny hödürledi. Geçenki üç ýylda bolşy ýaly jemi 24 ýaryş meýilleşdirilýär. Möwsüm 6-8-nji martda Awstraliýadaky tapgyrdan başlar we 4-6-njy dekabrda Abu-Dabide tamamlanar...