Planetamyzda näçe guşuň ýaşaýandygy anyklandy

  • 21.05.2021 23:32
  • 23k+

Awstraliýaly alymlar umumy sanyny we her bir görnüşiň sanyny anyklamak üçin guşlaryň ýazuwyny geçirmek kararyna geldiler. Özleriniň barlag işinde olar guşlara gözegçilik edýän onlaýn maglumatlar bazasy bolan eBird-i peýdalandylar. Hünärmenler onuň kömegi bilen guşlaryň bar bolan görnüşleriniň 92%-niň wekillerini kesgitlemegi we sanamagy başardylar. Galan görnüşler sanynyň azdygy we olary bellige almagyň kynlygy sebäpli statistika girizilmedi diýip, news.mail.ru habar berýär.

Netijede, hünärmenler häzirki wagtda dünýäde, takmynan, 50 milliard ýabany guşuň ýaşaýandygyny anykladylar, bu bolsa adamlardan tas alty esse köpdür.
Bu guşlar 9,7 müň görnüşe degişlidir. Olardan has giňden ýaýrany we köp sanlysy – öý serçeleri, adaty garasarlar, delawer çarlaklary we oba garlawajy. Alymlar bu görnüşleriň her birinde milliarddan gowrak şahsy hasaba aldylar.

“Adamlar öz görnüşimiziň wekillerini sanamak üçin köp tagalla etdiler we Ýer ýüzünde 7,8 milliard adamyň ýaşaýandygyny anykladylar. Täze gözleg işi bolsa beýleki görnüşleriň hem wekilleriniň takyk sanyny bilmek üçin edilen ilkinji giňişleýin synanyşykdyr” – diýip, Awstraliýanyň Sidneý şäherindäki Täze Günorta Uels uniwersitetiniň (UNSW) ekology Uill Kornuell belleýär.

Alymlar häzirki wagtda guşlaryň arasynda diňe birnäçe görnüşiň agdyklyk edýändigini nygtaýarlar. Geljekki gözlegleriň kömegi bilen guşlaryň bu görnüşleriniň şeýle artykmaçlyga eýe bolmagynyň käbir sebäplerini öwrenmek bolar. 

düýn 20:33
6.5k+

Pomidor bilen ýeralma kowumdaş bolup çykdy: olar baryp 9 mln ýyl ozal sapylypdyr

Ýeralma bilen pomidoryň genetiki gelip çykyşy umumy bolup, olary sapylmagy, takmynan, 9 million ýyl ozal bolup geçipdir. Bu barada Xinhua agentligi halkara alymlar topary tarapyndan geçirilen gözlegiň netijelerine salgylanyp habar berýär...

düýn 19:27
3.2k+

Hytaýda baryp II asyrda oýlanyp tapylan dünýäde ilkinji seýsmograf dikeldildi

Hytaýda Betbagtçylyklaryň öňüni alyş institutyndan Sýuý Goudunyň ýolbaşçylygyndaky alymlar topary dünýäde ilkinji seýsmograf hasaplanýan gadymy enjamy dikeltdi. Bu barada Progress in Geophysics žurnalyna salgylanýan South China Morning Post ýazýar...

düýn 18:19
1k+

ChatGPT robot däldigini tassyklaýan testlerden geçmegi öwrendi

OpenAI tarapyndan işlenip düzülen ChatGPT Agent AI guraly botlary tanaýyş werifikasiýa ulgamyndan aýlanyp geçmegi we özüni adam ýaly görkezmegi öwrendi. Bu barada çat-botuň tölegli wersiýalarynda (Pro, Plus we Team) täze funksiýany synagdan geçiren Reddit-iň ulanyjylary habar berdiler...

düýn 18:17
4k+

ABŞ-dan başlangyç kompaniýa kosmosa äpet aýna ugradar. Ol näme üçin gerek?

Amerikanyň Reflect Orbital başlangyjy kosmosa äpet aýnany ibermegi meýilleşdirýär. Ol Gün şöhlesini tutup, ony Ýere gönükdirer diýip, Kaliforniýada ýerleşýän kompaniýa habar berýär. Taslama gijesine gury ýeriň we deňziň käbir böleklerini ýagtylandyrmaga kömek eder diýlip garaşylýar...