20-nji maýda Niderlandlarda tamamlanan “Ýewrowideniýe – 2021” halkara aýdym-saz bäsleşiginiň ikinji ýarym finalynyň on ýeňijisi yglan edildi diýip, tj.sputniknews.ru habar berýär.
Aýdym-saz bäsleşiginiň bu bölegine 17 ýurtdan, ýagny San-Marino, Gresiýa, Çehiýa, Estoniýa, Awstriýa, Polşa, Moldowa, Islandiýa, Serbiýa, Gruziýa, Albaniýa, Portugaliýa, Bolgariýa, Finlýandiýa, Latwiýa, Şweýsariýa we Daniýa döwletlerinden ýerine ýetirijiler gatnaşdy.
Ses bermäniň netijesinde finala 10 gatnaşyjy çykdy: Albaniýadan – Anžela Peristeri (Karma), Serbiýadan – Hurricane (Loco Loco), Bolgariýadan – Victoria (Growing Up Is Getting Old), Moldowadan – Natalýa Gordiýenko (SUGAR), Portugaliýadan – The Black Mamba (Love Is On My Side), San-Marinodan – Senhit (Adrenalina), Islandiýadan – Daði & Gagnamagnið (10 Years), Şweýsariýadan – Gjon’s Tears (Tout I'Univers), Gresiýadan – Stefaniýa (Last Dance), Finlýandiýadan – Blind Channel (Dark Side).
“Ýewrowideniýe – 2021” bäsleşiginiň ikinji ýarym finalyna gatnaşyjylaryň ykbalyny tomaşaçylar we bäsleşigiň abraýly emin agzalary çözdi.
Bäsleşigiň ýeňijisi aýyň 22-sine belli bolar. Ýeňijiniň wekilçilik edýän ýurdunda indiki “Ýewrowideniýe” bäsleşigi geçiriler.
