25-nji maýda Aşgabat şäherinde täze awtobuslar hereket edip başlar we şol gün şäheriçi awtobus ugurlarynda tölegsiz hyzmat ediler.
"Aşgabat şäheriniň döredilmeginiň 140 ýyllygy mynasybetli “Türkmenawtoulaglary” agentliginiň Aşgabatdaky ýolagçy awtoulag kärhanasyna gelip gowşan 400 sany “Hyundai ALL New Super Aero City” kysymly döwrebap awtobuslary 2021-nji ýylyň 25-nji maýyndan ulanyşa goýberiler. Şol gün paýtagtymyzyň ýaşaýjylaryna hem-de myhmanlaryna şäheriçi awtobus ugurlarynda tölegsiz hyzmat ediler" diýip, agentligiň saýtynda bellenilip geçilýär.
Şol gün şeýle hem “Awtomobil ulag hyzmaty” açyk görnüşli paýdarlar jemgyýetiniň hasabyna gelip gowşan 200 sany “TOYOTA COROLLA” kysymly döwrebap ýeňil taksi awtoulaglary ulanyşa goýberiler.
Habarlaşmak üçin: 44-33-90, 44-33-91
