Pakistanyň Prezidenti Sinopharm sanjymyndan soň, koronawirus bilen keselledi

  • 31.03.2021 01:20
  • 21k+

Pakistanyň Prezidenti Arif Alwi Sinopharm hytaý sanjymynyň ilkinji dozasyndan soň koronawirus bilen keselledi, bu barada ol twitter sahypasynda habar berdi. Muny Interfax ýetirýär.

«Meniň COVID-19 üçin barlagym položitel çykdy. Goý, COVID-19-dan zyýan çekenleriň ählisine Alla rehim etsin. Sanjymyň ilkinji dozasyny aldym, ýöne antibedenjikler indiki hepdä meýilleşdirilýän ikinji sanjymdan soň ýüze çykyp başlaýarlar. Sizden seresaply bolmagyňyzy haýyş edýäris» – diýip, Alwi ýazdy.

Pakistanyň Prezidenti we onuň aýaly Samina Alwi 15-nji martda Yslamabatda Sinopharm hytaý kompaniýasy tarapyndan öndürilen sanjymy aldylar. Kompaniýanyň berýän maglumatlaryna görä, ikinji dozadan 28 gün geçenden soň, derman serişdesiniň täsirliligi 79,34% bolýar.
Ýurtda koronawirusa garşy sanjym Hytaýyň Sinopharm kompaniýasyndan 500 müň doza sanjym alnandan iki gün soň, 3-nji fewralda başlady. Bu derman serişdesi hereketsizlendirilen wirusyň esasynda döredildi we azyndan 16 ýurtda tassyklandy.

şu gün 12:12
9.6k+

Serdar Berdimuhamedow Hindistanyň ýolbaşçylaryna awiaheläkçilik zerarly gynanç bildirdi

Prezident Serdar Berdimuhamedow Hindistan Respublikasynyň Prezidenti Draupadi Murmuwa hem-de Premýer-ministri Narendra Modä ýurduň Ahmedabad şäherinde ýolagçy uçarynyň heläkçilige uçramagy hem-de bu betbagtçylygyň köp sanly adam pidalaryna we şikes ýetmelere getirmegi zerarly gynanç hatyny iberdi...

şu gün 09:50
10k+

Müňlerçe ulagly Morning Midas gämisi bir hepde bäri Ýuwaş ummanda ýanmagyny dowam edýär

Bir hepde mundan ozal Alýaskanyň kenarlaryndaky Ýuwaş ummanda ot alan Morning Midas ýük gämisi ýanmagyny we ýüzmegini dowam etdirýär. ABŞ-nyň kenar goragy edarasy tarapyndan alnan surat gämä düýpli zyýan ýetendigini görkezýär...

şu gün 09:48
10k+

Hindistanda dünýäde ilkinji gezek Boeing Dreamliner heläkçilige uçrady, ýekeje ýolagçy diri galdy

12-nji iýunda Hindistanyň günbataryndaky Gujarat ştatynda Air India awiakompaniýasynyň Boeing 787-8 Dreamliner ýolagçy uçary heläkçilige uçrady. Ol Ahmadabat şäherinden Londona gatnaw edýärdi. Heläkçilik uçar howa menzilinden uçandan gysga wagtdan soň bolup geçdi...

07.06.2025 19:01
13k+

Kanadadaky tokaý ýangynlaryndan çykýan tüsse baryp kosmosdan hem görünýär

NASA-nyň Ýerden 1,5 million kilometr uzaklykdaky Lagranj L1 nokadynda ýerleşýän DSCOVR hemrasy Kanadadaky tokaý ýangynlaryndan çykan tüssäni surata aldy. Surat 2025-nji ýylyň 31-nji maýynda düşürildi. Kanadadaky tokaý ýangynlary birnäçe gün bäri dowam edýär...