Alymlar balygyň täze görnüşine pandemiýanyň adyny dakdylar

  • 09.03.2021 17:22
  • 27k+

Kosta-Rikadaky Kokos adasynyň golaýynda alymlar ozal ylma belli bolmadyk aspirin tabletkasynyň ululygyndaky kiçijik balygy tapdylar we oňa pandemiýa itjagazy diýip at berdiler. Bu barada news.mail.ru habar berýär.

Täze görnüş “Zootaxa” žurnalynda ABŞ-daky Skrippsiň okeanografiýa institutynyň alymlary tarapyndan beýan edilýär. Bu görnüşiň adyny alymlar balygyň ýaşaýan ýeriniň örän çäkliligi – onuň Kokos adasynyň töweregindäki suwlar bilen çäklendirilýändigi bilen düşündirýärler. Görnüşi öwrenýän deňiz biology Fil Gastings şeýle çäklendirmäni COVID-19 pandemiýasy döwründäki izolýasiýa bilen deňeşdirdi.
Deňiz itjagazlarynyň garyndaşy 15 mm-den köp ulalmaýar. Daşky görnüşi boýunça pandemiýa itjagazy Kosta-Rikadan Ekwadora çenli suw astyndaky merjen gaýalarynda ýaşaýan Coralliozetus springeri balygyny ýada salýar. Ýöne täze görnüşiň žabra gapaklarynda tegmilleri we gözüniň üstünde murtjagazlaryň üýtgeşik gurluşyny görmek bolýar.
Kokos wulkan adasynyň gury ýerleri we suwlary goraghanadyr. Bu ýerde dünýäniň başga hiç bir ýerinde duşmaýan birnäçe haýwan görnüşleri ýaşaýar.

düýn 15:44
2.9k+

Hytaý dünýäde ilkinji suwasty emeli aň maglumat merkezini gurýar

Hytaý emeli aň üçin dünýäde ilkinji suwasty maglumat merkezini gurýar. Bu desga Şanhaýyň kenaryndan 10 km uzaklykda ýerleşip, golaýdaky deňiz ýel elektrostansiýasyndan energiýa alar diýip, Live Science habar berýär...

düýn 11:42
1.8k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...

26.08.2025 13:37
7.7k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...

26.08.2025 13:26
4k+

Paleontologlar dinozawrlaryň ýelken şekilli arkasy bolan täze görnüşini açdy

Paleontologlar dinozawrlaryň ýelken şekilli arkasy bolan täze görnüşini açdy. Istiorachis macarthurae adyny alan bu jandarlar 120 mln ýyldan gowrak ozal Angliýanyň günorta kenaryndan uzak bolmadyk ýerde ýaşapdyr diýip, Londondaky Tebigy taryh muzeýine salgylanyp, CNN habar berýär...