Londonyň ICE biržasynyň söwda maglumatlaryna görä, “Brent” nebitiniň bir barreliniň bahasy 67 dollardan geçdi. Nebit şeýle derejä soňky gezek geçen ýylyň ýanwar aýynda ýetipdi. Bu barada vedomosti.ru habar berdi.
25-nji fewraldaky ýagdaýa görä, nebit fýuçersleriniň bahasy 2,47% ýokarlanyp - 67,10 dollara ýetdi. «WTI» nebitiniň bir barreliniň bahasy 1,96% ýokarlanyp, 62,88 dollara ýetdi.
Koronawirusa garşy sanjymlaryň döredilmegi we käbir ýurtlarda çäklendirmeleriň kem-kemden ýatyrylmagy baradaky oňyn habarlaryň netijesinde nebit 2020-nji ýylyň oktýabr aýynyň ahyryndan bäri kem-kemden ýokarlanýar. Geçen ýyl çig mal pandemiýa we OPEK+ şertnamasynyň bozulmagy sebäpli arzanlady. Şeýlelik bilen, 2020-nji ýylyň aprel aýynyň ahyrynda “Brent” fýuçersleri bir barrel üçin 33,71 dollara, WTI bolsa 29.05 dollara çenli aşak düşdi.
