Ýeriň ýaşaýjylary 2021-nji ýylda birbada iki sany asman hadysasynyň şaýady bolar diýip, rueconomics.ru habar berýär. Bu ýyl Ýerden iki Aý tutulmasy görner. Hadysa Günüň, Aýyň we Ýeriň bir setire düzülmegi we biziň planetamyzyň öz hemrasynyň öňüni tutmagy bilen bolup geçýär.
Gün şöhleleriniň bir bölegi onuň üstüne düşer. Ýeriň atmosferasynyň spektriň gyzyl-mämişi böleginiň şöhleleri üçin dury bolandygy sebäpli, Aý gyzyl görnüşde görner. Şeýle hadysa “ganly” Aý adyny aldy.
Ýeriň tebigy hemrasynyň gyzyl-goňur reňke öwrülmegine sebäp bolýan doly Aý tutulmasy 2021-nji ýylyň 26-njy maýynda bolar. Özboluşly asman hadysasyny Awstraliýada, ABŞ-nyň günbatar böleginde, Günorta Amerikada we Günorta-Gündogar Aziýada görmek bolar.
Şeýle-de, 10-njy iýunda planetanyň ýaşaýjylary Kanadanyň demirgazyk böleginde, Grenlandiýada we Russiýanyň gündogarynda bölekleýin halkalaýyn tutulmany synlap bilerler.
