“Barselonanyň” goragçysy Serhi Roberto şikes we koronawirus sebäpli iki aýlap meýdança dolanyp bilmedi diýip, Football-Espana saýty habar berýär. Muny sport-express.ru ýetirýär.
Çeşmäniň maglumatlaryna görä, Serhi noýabr aýynda, sag aýagynda myşsa şikesini alanda koronawirus bilen keselledi. Kesel uzak wagtlap aýrylmady: 28 ýaşly futbolçy 26 gezek položitel barlag tabşyrdy we diňe 27-nji gezek otrisatel netijäni görkezdi.
Netijede, Serhi Roberto ilki şikes sebäpli, soňra 21-nji noýabrdan 31-nji ýanwar aralygynda Covid-19 sebäpli meýdança çykmady. Ýanwar aýynyň soňky güni ol Ispaniýanyň çempionatynyň 21-nji tapgyrynyň “Atletik” toparyna garşy (2-1) oýnunda ikinji ýarymyň ortalarynda başga bir oýunçyny çalşyrdy.
Ispaniýanyň çempionatynyň häzirki möwsüminde goragçy sekiz duşuşyga gatnaşdy, olarda bir gezek gol geçirdi we iki netijeli geçirim etdi. Oýunçynyň katalon kluby bilen häzirki şertnamasy 2022-nji ýylyň tomsunda tamamlanýar.
