Italiýanyň Superkubogyny almak ugrunda final duşuşygynda Turiniň “Ýuwentusy” “Napolini” ýeňdi.
Rejo-di-Emiliýanyň “Mapei” stadionynda geçen oýun “Ýuwentusyň” 2-0 hasabynda ýeňşi bilen tamamlandy. Birinji pökgini 64-nji minutda hüjümçi Kriştianu Ronaldu girizdi. Bu gol Ronaldu üçin professional karýerasynda 760-njy bolup, awstriýaly futbolçy Ýozef Bisandan (759) öňe geçmäge mümkinçilik berdi. Şeýlelik bilen, portugaliýaly futbolçy professional futbolyň taryhynda iň gowy bombardir boldy.
80-nji minutda “Napoliniň” oýunçysy Lorenso Insinýe jerime urgusyndan gol girizip bilmedi. Duşuşygyň soňky sekuntlarynda Alwaro Morato ikinji goly geçirdi.
“Ýuwentus” dokuzynjy gezek Italiýanyň Superkubogynyň eýesi boldy. “Napoliniň” hasabynda iki ýeňiş bar.
