Italiýanyň çempionatynyň 18-nji tapgyrynyň merkezi duşuşygynda Milanyň «Interi» öz meýdançasynda Turiniň «Ýuwentusyny» ýeňmegi başardy. Antonio Konteniň şägirtleri duşuşykda 2:0 hasabynda üstün çykdylar.
Gollary öz adyna Arturo Widal we Nikola Barrela ýazdyrdy.
«Inter» soňky üç tapgyr duşuşykda birinji gezek ýeňiş gazandy. Klub A Seriýanyň jedwelinde ikinji orna çykyp, diňe goşmaça görkezijileri boýunça «Milandan» yzda barýar. «Ýuwentus» bolsa, bassyr üç oýun bäri dowam edýän ýeňişli seriýasyny tamamlady. Turinliler bäşinji orna düşdüler.
Belläp geçsek, «Milan» şu gün myhmançylykda «Kalýari» bilen duşuşar.
