Şweýsariýaly meşhur tennisçi Rojer Federer 2019-njy ýylyň iýun aýyndan 2020-nji ýylyň maý aýyna çenli aralykda iň köp girdeji gazanan meşhurlaryň sanawynda üçünji orny eýeledi. “Uly tuwulga” ýaryşlarynyň 20 gezek ýeňijisi 106,3 million dollar gazanyp, diňe telekeçi Kaýli Jennerden (590 million dollar) we sazanda Kanýe Uestden (170 million dollar) yzda galdy.
Meşhur futbolçylar portugaliýaly Kriştianu Ronaldu we argentinaly Lionel Messi, degişlilikde, 105 million we 104 million dollar gazanyp, ilkinji bäşlige girdiler.
Braziliýaly futbolçy Neýmar hem-de amerikaly basketbolçy Lebron Jeýms hem, degişlilikde, 95,5 million we 88,2 million dollar gazanyp, ilkinji onluga girdiler. "Forbes-iň" reýtinginde amerikaly meşhur basketbolçy Stiwen Karri (74,4 million dollar, 16-njy ýer) hem bar.
