Alymlar Merkezi Aziýada howanyň ýagdaýynyň agyrlaşýandygyny aýtdylar

  • 02.12.2020 13:23
  • 19k+

Günorta Koreýadan, Ýaponiýadan, ABŞ-dan we Hytaýdan klimatologlar Merkezi Aziýada howanyň aşa gyzmagynyň soňky 20 ýylda hasam güýçlenendigini aýtdylar. Olaryň bellemegine görä, sebitde howanyň ýagdaýy eýýäm gaýtaryp bolmajak derejä ýetdi we ekoulgamda weýrançylykly üýtgeşmeler bolup geçýär. Bu haýwanlaryň käbir görnüşleriniň ýok bolmagyna getirip biler. Halkara derejeli hünärmenler toparynyň bu babatda geçiren gözlegleriniň netijesi “Science” žurnalynda çap edildi diýip, RIA Nowosti habar berýär.

Barlagçylar howanyň adam işjeňligi sebäpli üýtgeýändigini bellediler. Netijede, Aziýanyň merkezi sebitiniň ekologik ulgamyna-da şu täsir edýär. Alymlaryň pikiriçe, munuň agyr netijelere getirmegi hem mümkin.
Alymlar soňky 260 ýylda hwoýa agajynyň ýaş halkalarynyň maglumatlaryny seljermek bilen, ýylylyk tolkunlaryny yzarlamagy, topragyň çyglylygy barada maglumat almagy başardylar. Netijede, soňky ýyllarda ýylylyk tolkunlarynyň has giň ýaýrandygyny anykladylar.
Gözleg işiniň awtordaşlaryndan biri Delian Çen "Eurekalert" neşirine ýylylyk tolkunlarynyň toprakda suwuň ep-esli ýitmegine sebäp bolýandygyny aýtdy. Çygly toprakdaky buglar howany sowadýar, ýöne çyglylyk ýok bolsa, ýylylyk howa geçýär.
Alymlar Merkezi Aziýada howanyň üýtgemeginiň dünýäniň klimaty bilen baglanyşykly beýleki atmosfera hadysalaryna getirip biljekdigini duýdurýarlar.

şu gün 01:26
131

Counterpoint dünýäde iň meşhur simsiz nauşnikleri saýlady

Apple AirPods nauşnikleri TWS-garnituralarynyň segmentinde iň köp satylýan model boldy. Apple korporasiýasy simsiz nauşniklaryň dünýä bazarynda öňdebaryjy bolmagyny dowam etdirýär. Oňa bazaryň tas dörtden bir bölegi degişli diýlip, Counterpoint Research gözleg kompaniýasynyň hasabatynda aýdylýar...

düýn 23:51
2.1k+

Nebraskada 50 ýaşly wagt kapsulasyny açdylar. Içinden hakyky awtoulag çykdy

ABŞ-nyň Nebraska ştatynyň Stýuard şäherinde, takmynan, 50 ýyl bäri ýeriň astynda ýatan wagt kapsulasy açyldy. Içindäki 5000-den gowrak predmetiň arasynda gowy ýagdaýda saklanyp galan hakyky Chevrolet Vega ýeňil ulagy hem bar diýip, The Drive ýazýar...

düýn 23:41
208

Microsoft-yň Edge brauzeri rekord 300 millisekuntda sahypalary ýüklemegi öwrendi

Microsoft kompaniýasy sahypa geçenden soň 300 millisekuntdan hem az wagtda mazmuny - teksti, suratlary ýa-da interfeýsiň elementlerini görkezip başlaýan Edge brauzeriniň tizliginiň gowulaşandygyny habar berdi. Bu barada The Verge neşiri habar berdi...

düýn 20:47
2.3k+

Şef-aşpez Jeými Oliwer dünýädäki iň uly aşpezlik sapagyny geçirdi

Meşhur britaniýaly şef-aşpez, restorator, teleýaýlym alyp baryjysy, öýde nahar taýýarlamagy we sagdyn iýmitlenmegi wagyz ediji Jeými Oliwer täze dünýä rekordyny goýdy. Ol taryhda iň köp gatnaşyjyly aşpezlik sapagyny geçirdi...