Türkmenistanda käbir metbugat neşirleri birleşdirilip, umumy sany azaldylar

  • 27.11.2020 08:27
  • 15k+

Düýn geçirilen Hökümet mejlisiniň barşynda Gurbanguly Berdimuhamedow birnäçe gazetleriň we žurnallaryň düzümini kämilleşdirmek boýunça hödürlenen teklipleri makullap, olary elektron ulgama geçirmek işini çaltlandyrmak boýunça tabşyryklar berdi.

Döwürleýin neşirleri elektron görnüşe we internet-ulgama geçirmek ýurdumyzyň köpçülikleýin habar beriş serişdelerini sanlylaşdyrmagyň esasy ugurlarynyň biridir.
Ýurtda neşir edilýän gazetleriň we žurnallaryň köpüsiniň häzirki wagtda elektron abuna ýazylmak mümkinçilikli elektron görnüşleriniň barlygy sebäpli, olaryň kagyza çap edilmeginiň maksadalaýyklygy hem-de mazmunyň meňzeşligi barada sorag öňe çykdy.
Habarlar agentlikleriniň onlaýn usula geçeli bäri dünýäde gazet satuwy azaldy. Mobil programmalar täzelikleri öz wagtynda yzarlamaga mümkinçilik berýän wagty gazet makalalaryny okamak iriziji görnüp başlady. Mahabat berijiler hem elýeterliligi we tizligi üçin internete has köp üns berýärler we olar hem çap neşirlerinden daşlaşdylar.
ORIENT agentliginiň habar bermegine görä, ýurdumyzyň habar beriş serişdeleriniň ýolbaşçylary köp sanly döwürleýin neşirler üçin bölünip berlen döwlet emlägini tygşytlamak, ugurdaş mazmunlaryna esaslanyp, birnäçe gazet-žurnallary birleşdirmek barada teklipleri taýýarladylar.
Hususan-da, “Türkmen dili” gazetini “Mugallymlar gazeti” gazetine birleşdirip, umumylykda “Mugallymlar gazeti” ady bilen çap etmeklik teklip edilýär. Şeýle hem "Galkynyş" gazeti "Watan" gazetine şol tertipde birleşdiriler. Hünärmenleriň pikiriçe, munuň özi eýýäm 120 tonna kagyzy tygşytlar.
Iki sany žurnalyň — "Diýar" hem-de "Возрождение" žurnallarynyň birleşip, türkmen, iňlis we rus dillerinde "Diýaryň" nyşany astynda çykmagy bilen ýene 3,7 tonna kagyz tygşytlanýar.
Gündelik gazetleriň redaksiýalarynyň işgärlerini azaltmak barada gürrüň ýok, hepdelik ýa-da aýlyk neşirlerde baş redaktoryň orunbasarynyň ýerine uly habarçy wezipesi giriziler we jogapkär kätibiň ygtyýarlyklary giňeldiler.
Ýene bir täzelik: gazet-žurnallaryň tiražynyň azalmagy bilen baglylykda, bahalary birneme ýokarlandyrmak meselesine hem täzeden serediler.
Ýeri gelende bellesek, ORIENT-iň habaryna görä, adaty kagyz gazetlerine we žurnallaryna şahsy abuna ýazylmak diňe pensionerler üçin saklanýar.

düýn 17:43
2.9k+

“Aždarhany nädip eldekileşdirmeli” kinoremeýki onlaýn çykdy

“Aždarhany nädip eldekileşdirmeli” (Как приручить дракона) filmi kinoteatrlarda görkezilip başlanandan bir ýarym aý soň onlaýn görnüşde çykdy. Film öz taýpasy wikingleriň aždarhalar bilen tükeniksiz söweşinden ýadan ýetginjek Ikkingiň (Hiccup) wakasyny gürrüň berýär...

düýn 13:39
2.7k+

Endrýu Garfild OpenAI kompaniýasyndaky dawa baradaky filmde Sem Altmanyň keşbini oýnar

“Möý adam” filminiň ýyldyzy Endrýu Garfild täze “Emeli” (Artificial) dramedisinde Sem Altmanyň keşbini ýerine ýetirer. Filme Luka Guadanino režissýorlyk eder diýip, Variety habar berýär. OpenAI-iň egindeş esaslandyryjysy we baş ylmy işgäri Ilýa Suskeweriň keşbini Ýura Borisow oýnar...

düýn 13:34
3.8k+

Bawariýanyň galalary, Karnak megalitleri we Minos köşkleri ÝUNESKO-nyň sanawyna girizildi

ÝUNESKO Bütindünýä mirasynyň sanawyna täze desgalary, şol sanda Fransiýadaky Karnak megalitlerini, Germaniýadaky patyşa Lýudwig II-niň galalaryny we Kritdäki Minos köşk toplumlaryny goşdy. Çözgüt ylmy gözlegler we tanyşdyryşlar bilen birlikde berlen arzalar gözden geçirilenden soň kabul edildi...

düýn 13:28
5.5k+

Grenlandiýada 3 km buzuň astyndan gadymy tundranyň galyndylary tapyldy. Ol ýerde haşhaş, moh we hatda leýlisaç ösüpdir

Grenlandiýanyň köp bölegi buz we gar bilen örtülendir, şonuň üçin adanyň ady şoňa ýaňzydylyp goýlan. Emma bu hemişe beýle bolmandyr. Alymlar üç kilometrlik buz gatlagynyň astyndan gadymy tundra ekoulgamynyň yzlaryny tapdylar...