Ýewropa klublar birleşigi we Futbol agentleriniň Ýewropa birleşigi tarapyndan guralýan Globe Soccer Awards-2020 baýragynyň dalaşgärleri yglan edildi. Bu barada news.sportbox.ru habar berýär.
Ýylyň oýunçysy baýragyna dalaşgärleriň arasynda "Ýuwentusyň" hüjümçisi Kriştianu Ronaldu, "Barselonanyň" hüjümçisi Lionel Messi, "Bawariýanyň" futbolçylary Robert Lewandowski we Serž Gnabri, şeýle hem Karim Benzema (Madridiň "Realy"), Markinýos ("PSŽ") we Sadio Mane ("Liwerpul") bar.
Iň oňat tälimçi baýragyna Žan Pýero Gasperini ("Atalanta"), Hans-Diter Flik ("Bawariýa"), Hulen Lopetegi ("Sewilýa"), Ýurgen Klopp ("Liwerpul") we Tomas Tuhel ("PSŽ") dalaşgär görkezildi.
Iň oňat klublaryň baýragyna dalaşgärleriň sanawyna "Bawariýa", "Ýuwentus", "Liwerpul", "PSŽ", "Real", "Sewilýa" girýär.
Baýrak gowşurylyş dabarasynyň 27-nji dekabrda Dubaýda geçirilmegine garaşylýar.
