Türkmenistanda Bitaraplygyň baýramçylyk çäreleri tomaşaçysyz geçer

  • 23.11.2020 22:39
  • 12k+
Türkmenistanda Bitaraplygyň baýramçylyk çäreleri tomaşaçysyz geçer

Türkmenistanda ýiti ýokanç keselleriň getirilmeginiň we ýaýramagynyň öňüni almak maksady bilen, 2020-nji ýylyň noýabr-dekabr aýlarynda Bitaraplygyň 25 ýyllygy mynasybetli meýilleşdirilen çärelere gatnaşýanlaryň sanyny çäklendirmek hakynda çözgüt kabul edildi.

ORIENT agentliginiň habar bermegine görä, 2020-nji ýylyň 12-nji dekabryna meýilleşdirilen sungat ussatlarynyň halkara konserti, ýaş estrada aýdymçylarynyň arasyndaky «Ýylyň parlak ýyldyzy» bäsleşiginiň jemleýji konserti, Täze ýyl baýramy mynasybetli Türkmenistanyň Söwda–senagat edarasynda geçirilýän baýramçylyk dabaralary tomaşaçysyz telewizion konsert görnüşinde geçer.
Şeýle hem dünýädäki çylşyrymly epidemiologik ýagdaýy nazara alyp, hemişelik Bitaraplygymyzyň 25 ýyllygyna bagyşlanan we umumy döwlet senenamasynda meýilleşdirilen sport ýaryşlary arassaçylyk-öňüni alyş çäreleriniň berk berjaý edilmeginde tomaşaçysyz geçer.
Belläp geçsek, Türkmenistanda täze görnüşli koronawirus ýokanjy bilen kesellemäniň ýeke ýagdaýynyň hem häzirki wagta çenli ýüze çykarylmandygyna garamazdan, ýurtda keselleriň ýaýramagynyň öňüni almak maksady bilen agyz-burun örtüklerini dakmaklyk hem-de beýleki birnäçe çäklendirmeler girizildi.

Braziliýada tupan wagty Azatlyk heýkeliniň birnäçe metrlik nusgasy ýykyldy
şu gün 09:17
2.2k+

Braziliýada tupan wagty Azatlyk heýkeliniň birnäçe metrlik nusgasy ýykyldy

Braziliýanyň Guaýba şäherinde (Riu-Grandi-du-Sul ştaty) Havan uniwermagynyň öňünde oturdylan Azatlyk heýkeliniň 35 metrlik nusgasy ýykyldy. Waka 15-nji dekabrda güýçli tupan wagty bolup geçdi. G1 neşiriniň şäher häkimi Marselo Maranata salgylanyp habar bermegine görä, ýadygärligiň 24 metrlik ýokarky bölegi ýumruldy...

Aýa bir sagatda üç meteorit baryp urdy
düýn 09:48
6.5k+

Aýa bir sagatda üç meteorit baryp urdy

15-nji dekabra geçilen gije Aýyň üstüne üç meteoritiň gaçyşy hasaba alyndy. Hadysa bir sagatdan az wagtyň içinde bolup geçdi. Seýrek çaknyşma seriýasy iň kuwwatly meteor akymlarynyň biri bolan Geminidiň iň ýokary işjeňligi bilen baglanyşyklydyr diýip, ýaponiýaly astronom-höwesjeň Daiçi Fuji habar berdi...

Hindistanda goýy tüsse sebäpli 100-den gowrak awiagatnaw ýatyryldy, ýene 300 sanysy gijikdirildi
15.12.2025 17:38
12k+

Hindistanda goýy tüsse sebäpli 100-den gowrak awiagatnaw ýatyryldy, ýene 300 sanysy gijikdirildi

Hindistanda daş-töweregiň görünmezligine getiren we ulag gatnawlaryna zyýan ýetiren goýy tüsse sebäpli 100-den gowrak awiagatnaw ýatyryldy, ýene 300-e golaýy bolsa gijikdirildi. Nýu-Delide we onuň golaýyndaky sebitlerde ýagdaý has kynlaşdy, bu ýerde goýy zäherli tüsse ulag gatnawyny bökdedi diýip, NDTV habar berýär...

Güýçli ýagyş ABŞ-nyň demirgazyk-günbatarynda uly suw joşgunlaryna sebäp boldy
12.12.2025 18:06
9.6k+

Güýçli ýagyş ABŞ-nyň demirgazyk-günbatarynda uly suw joşgunlaryna sebäp boldy

Waşington amerikan ştaty 8-nji dekabrda başlan güýçli ygallar sebäpli uly suw joşgunlary bilen ýüzbe-ýüz boldy. Bilermenleriň hasaplamalary boýunça, tebigy betbagtçylyk soňky 35 ýylda iň güýçlüsi boldy diýip, New York Times we The Guardian habar berýär...