Dünýäniň iň iri nebit eksport edijisi bolan Saud Arabystany klimatyň üýtgemegine garşy göreşde möhüm rol oýnaýan ýangyç bolan wodorodyň iň uly eksportçysy bolmagy maksat edinýär diýip, Saud Arabystanynyň energetika ministri şazada Abdulaziz ben Salman Er-Riýaddaky brifingde aýtdy. Bu barada finmarket.ru habar berýär.
Ýurtda uly tebigy gaz gorlary “mawy ýangyjy" öndürmäge mümkinçilik berýär diýip, ol uglewodoroddan alynýan ýangyjy göz öňünde tutmak bilen belledi. Sentýabr aýynda Saud Arabystany dünýäde ammiak görnüşine öwrülen “mary” wodorodyň ilkinji tapgyryny Ýaponiýa iberdi.
Saud Arabystany 2025-nji ýyldan başlap, Neom şäherindäki kärhanada wodorody Gün şöhlesiniň hasabyna öndürmegi hem meýilleşdirýär, şeýle ýagdaýda gürrüň “ýaşyl” wodorod barada gidýär. Er-Riýad energiýa çeşmelerini möhüm üpjün ediji derejesini saklamak isleýär.
Şeýle-de bolsa, wodorody daşamak çylşyrymly iş bolup durýar, onuň önümçiligi köp energiýany talap edýär we bu onuň gymmat bolmagyna getirýär. Halkara energetika agentliginiň maglumatlary boýunça, “ýaşyl” wodorodyň bahasy kilogramyna 3,50 ýewrodan 5 ýewro çenli barabar. Adaty wodorodyň bir kilogramynyň önümçilik bahasy 1,5 ýewro töweregi. “mawy wodorodyň" önümçilik bahasy şu bahalaryň aralygynda.
