Katalon “Barselonasy” özüniň baş hemaýatkäri bilen hyzmatdaşlygyny uzaltdy. Bu barada “gök-gyzyllaryň” metbugat gullugy habar berýär diýip, euro-football.ru belläp geçýär.
Klub Rakuten kompaniýasy bilen täze şertnama gol çekdi, şertnama 2021/2022-möwsüminiň ahyryna çenli niýetlenilýär.
Belläp geçsek, taraplar 2017-nji ýylda hyzmatdaşlyga başladylar. Rakuten “Barselonanyň” esasy global hyzmatdaşy hem-de innowasiýa we güýmenje boýunça global hyzmatdaş bolmagynda galar. Onuň söwda markasy 2021/22-möwsüminde birinji topar formasynyň öň ýüzünde şekillendirilmegini dowam etdirer.
Ispaniýanyň çempionatynda alty oýundan soň “Barselona” sekiz utuk gazanyp, turnir tablisasynda 12-nji orunda ýerleşdi. Kataloniýalylar indiki duşuşygyny “Kamp Nouda” “Betis” bilen geçirer.
