Ýapon dizaýneri we modelýer Kendzo Takada 81 ýaşynda koronawirusdan ýogaldy. Kenzo moda öýüni esaslandyryjy 4-nji oktýabrda Fransiýada Neýi-sýur-Seniň hassahanalarynyň birinde ýogaldy. Bu barada RBK habar berýär.
Takada 1939-njy ýylyň 27-nji fewralynda Hýogo ýapon prefekturasynda dünýä indi. Ol Tokiodaky Bunka Gakuen modelýerler üçin mekdepde bilim alýar, 1965-nji ýyldan Fransiýada ýaşady.
Ol Kenzo brendini 1970-nji ýylda esaslandyrdy. Dizaýner özüniň ilkinji dükanyny Parižde “Jungle Jap” ady bilen açdy, şol ýerde hem ilkinji moda sergisi geçirildi. Ondan soňky ýyl Takada Nýu-Ýorkda we Tokioda özüniň kolleksiýasyny hödürledi, 1983-nji ýyldan ol erkekleriň modasy bilen meşgullanyp başlady. 1988-nji ýylda Kenzo çagalar egin-eşikleriniň we öý üçin harytlaryň birinji hataryny satuwa çykardy we bir ýyldan soň meşhur atyrlar toplumyny öndürip başlady.
1993-nji ýylda Kendzo özüniň brendini LVMH konsernine satdy, alty ýyl geçenden soň, moda öýünden gitdi we awtorlyk taslamalary bilen meşgullandy. 2004-nji ýylda Takada gap-gaçlary, aksessuarlary we interýer predmetlerini döretmek bilen meşgullanyp, Gokan Kobo brendini işe girizdi.
2016-njy ýylda belli dizaýner Fransiýanyň Hormatly legiony ordeni bilen sylaglandy.
