“Volkswagen” “Bugatti” brendini satmak boýunça gepleşikleri geçirýär

  • 22.09.2020 19:52
  • 16k+

Germaniýanyň awtoulag öndürijisi Volkswagen AG (VW) kaşaň sport awtoulag brendi “Bugattini” Horwatiýanyň “Rimac Automobili” kompaniýasyna satmak barada gepleşikleri geçirýär. Bu barada “The Wall Street Journal-a” salgylanyp, interfax.ru habar berýär.

Gepleşikler heniz başlangyç tapgyrda bolup, onuň ahyrynda ylalaşyga gelinjekdigine entek doly ynam ýok. Şeýle-de bolsa, görnüşine görä, “Volkswagen” brendini hökman satmak isleýär we “Rimac”-a we ony esaslandyryjy Mate Rimatsa uly hormat goýýar.
2009-njy ýylda döredilen “Rimac” beýleki awtoulag öndürijilerine iberýän elektromobilleri we gibridler üçin ýokary tehnologiýaly komponentleri işläp taýýarlamakda we öndürmekde ýöriteleşendir. “Rimac”-yň müşderileriniň içinde onuň 15,5 göterimine eýe bolan “Volkswagen Group Porsche”, ondan başga-da Aston Martin, Pininfarina we Koenigsegg degişlidir.
“Bugatti” brendini “Rimac”-a satmak baradaky gepleşikler “Volkswagen”-iň dizel dawasyndan soň başlanan we kompaniýanyň awtoulag pudagyna täsir edýän tehnologiki üýtgeşmelere uýgunlaşmagy sebäpli aktiwleriň geçirilmegine sebäp bolup biljek öz portfelini bahalandyrmaga gaýtadan başlandygyny görkezýär diýip, WSJ belleýär.
“Volkswagen”-iň paýnamalary sişenbe güni söwdada 1,7% gymmatlady. Olaryň bahasy ýylyň başyndan bäri 15,9% azaldy.

düýn 21:31
8.8k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
5.1k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

düýn 13:44
3.2k+

Täze Lexus NX 2026 krossoweri hödürlendi

Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar. Model uly radiator gözenegi we matrisa çyralary bilen markanyň firma dizaýnyny saklap galdy...

25.08.2025 13:33
7.2k+

Bugatti we Jacob&Co ýüzlerçe göwher bilen Tourbillon giperkarynyň stilinde sagat döretdi

Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler...