Kia awtomobillerini Özbegistanda öndürip başlar

  • 13.09.2020 12:24
  • 10k+

KIA günorta koreý kompaniýasy şu ýylyň noýabrynda öz awtomobillerini Özbegistanyň Jizak erkin ykdysady zolagyndaky ADM-Jizzakh täze kärhanasynda öndürip başlar. Heniz gurulýan kärhananyň konweýerine birinji bolup Seltos krossoweri we Optima modelini dowam etdiriji – K5 sedany çykar.

Koreý markasynyň metbugat gullugyna salgylanmak bilen, Awtonowosti dnýa saýtynda habar berlişine görä, häzir Jizakdaky kärhana gurluşygyň jemleýji tapgyrynda ýerleşýär. Onda geljekde dürli konfigurasiýaly awtomobilleriň ýygnaljak iki sany önümçilik hataryny gurnamak boýunça taýýarlyk işleri geçirilýär.
Täze kärhananyň başlangyç önümçilik kuwwaty ýylda 25 müň ulaga barabar bolar. Kuzowlary reňkleýji we kebşirleýji sehli täze liniýalar taýýar bolup, işe girizilenden soň ol dört esse, ýagny 100 müň ulaga çenli artar.
Kärhananyň häzirki günde Lada awtolaryny Özbegistana import edýän Roodell kompaniýasyna degişlidigi bellenilýär. Tiz wagtdan kärhanada beýleki brendleriň hem ulag serişdelerini ýygnamak işleri ýola goýlar, olary paýlamak işleri bilen hem Roodell meşgullanar.
Özbegistanda ýygnalan awtomobilleriň beýleki bazarlara (Özbegistanyň çäginden daşary) iberiljekdigi heniz belli däl. Ýöne olary çykarmak üçin niýetlenilen önümçilik hatarynyň KIA-nyň rus ştab-kwartirasynyň gönüden-göni gözegçilik etmegi bilen döredilendigi bellenilýär.

şu gün 15:37
893

Xiaomi 2026-njy ýylda SU7 ulagynyň uzaldylan görnüşini çykarmaga taýýarlanýar: ilkinji suratlar

Xiaomi SU7 elektromobiliniň täze görnüşiniň ýol synaglaryna başlady. Nikaplanan nusganyň ilkinji suratlary Hytaýyň Weibo sosial ulgamynda peýda boldy. Car News China-nyň habaryna görä, bu modeliň uzaldylan görnüşi bolup, 2026-njy ýylda SU7 L ady bilen çykarylar...

şu gün 15:21
1.3k+

Nemes týunerleri Toyota Land Cruiser Prado-nyň ýerden beýikligini 50 millimetr artdyrdylar

Germaniýanyň Delta 4x4 atelýesi Toyota Land Cruiser Prado-nyň soňky nesli üçin üýtgeşmeler toplumyny hödürledi. Wnedorožnik döwrebaplaşdyrylan podweskany, kuzowyň goragyny we goşmaça esbaplary aldy. Bukjanyň bahasy entek mälim edilmedi...

düýn 21:31
15k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
6.8k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...