"Barselonanyň" hüjümçisi Luis Suarez turinli "Ýuwentus" bilen, ýarymgoragçy Arturo Widal bolsa milanly "Inter" bilen şertnamanyň şertleri barada ylalaşdylar. Muny Italiýanyň habar beriş serişdelerine salgylanyp, championat.com habar berýär.
Katalon klubynyň täze tälimçisi Ronald Kuman bu oýunçylaryň hyzmatlaryna mätäç däldigini bildirdi.
Suareziň gök-narynçlar bilen häzirki şertnamasy 2020/2021 möwsüminiň ahyryna çenli dowam edýär, ýöne ýolbaşçylar şertnamany möhletinden öň ýatyrmaga taýyn, sebäbi 33 ýaşly urugwaýly hüjümçiniň ýokary transfer bahasy potensial alyjylary çekindirýär. “Transfermarkt” portaly ony 28 million ýewro möçberinde bahalandyrýar.
Widal Italiýa erkin agent hökmünde geçer. Çilili oýunçynyň “Inter”-de ýyllyk aýlygy 6 million ýewro bolar. Bu şertnama ýene bir ýyl uzaltmak mümkinçiligi bilen 2 ýyla niýetlenendir. Mundan başga-da, Widal 2-3 million ýewro bonus sorady.
