«Barselonanyň» oýunçylary Hawini tälimçi edip bellemegi talap edýärler

  • 18.08.2020 01:07
  • 10k+

«Barselonanyň» liderleri klubda düýpli özgertmeleri geçirmegi talap edýärler, bu barada As neşirine salgylanmak bilen sports.ru habar berýär.

Futbolistler «Bawariýadan» (2:8) ýeňilmekde özleriniň hem jogapkärçilik çekýändikleri bilen ylalaşýarlar, ýöne olar özlerini taktiki taýdan gowy taýýarlamadylar diýip hasaplaýarlar. Oýunçylar bu netijä «Barselonanyň» ýolbaşçylygyndaky tertipsizlik getirdi diýip hasaplaýarlar.
Futbolistler klubyň häzirki prezidenti Žozep Bartomeunyň ilkibada 2021-nji ýylyň tomsuna meýilleşdirilen prezident saýlawlaryny möhletinden öň gurnamagyny isleýärler.

«Atmosfera aşa dartgynly. 1-2 sany täze adamlary getirip, üýtgeşik transferi etmek bilen, ähli zady düzetmek mümkin däl. Bize gaýtadan «ýüklenmek» gerek» – diýip, katalon klubynyň ady agzalmadyk futbolistleriniň biri aýtdy.

Mundan başga-da, oýunçylar kluba topary jebisleşdirmäge we ruhlandyrmaga ukyply bolan, «Barselonany» bilýän tälimçi gerek diýip hasaplaýarlar. Olar şeýle tälimçi hökmünde toparyň ozalky ýarym goragçysy, häzir «Al-Sadda» ýolbaşçylyk edýän Hawini görýärler.
Belläp geçsek, katalon klubynyň resmi saýtynda Kike Setýeniň wezipesinden boşadylandygy barada habar berildi.

düýn 20:30
2.4k+

Kia täze Telluride modeliniň ilkinji resmi suratlaryny görkezdi

Kia täze nesil Telluride krossoweriniň ilkinji resmi şekillerini hödürledi. Täze modeliň doly tanyşdyrylyşy 20-nji noýabrda Los-Anjeles awtosergisinde bolar. Telluride-nyň ikinji nesli has burçly we güýçli görnüşe eýe bolar...

düýn 19:56
4.8k+

«Altyn Asyr» «Paro» klubuny utup, AFK Çagyryş Ligasynda «A» toparyň başyna geçdi

28-nji oktýabrda, sişenbe güni Türkmenistanyň «Altyn Asyr» futbol kluby AFK-nyň Çagyryş Ligasyndaky toparlaýyn tapgyryň ikinji duşuşygynda Butanyň «Paro» klubuny 3:1 hasabynda utdy. Ýaryşyň Günbatar zolagynyň "A" toparynyň ähli duşuşyklary merkezleşdirilen formatda Butanyň paýtagty Thimphuda geçirilýär...

düýn 18:56
4.9k+

Lionel Messi 2026-njy ýylyň dünýä çempionatynda oýnamak isleýändigini aýtdy

Argentinanyň milli ýygyndysynyň ýyldyzy Lionel Messi 2026-njy ýylda ABŞ-da, Kanadada we Meksikada geçiriljek dünýä çempionatyna gatnaşmak isleýändigini aýtdy. Bu barada futbolçy NBC telekanalyna beren interwýusynda gürrüň berdi...

düýn 12:11
5.1k+

BMGÖM-niň wekiliýeti Lebap welaýatyna iş saparyny amala aşyrdy

25-nji oktýabrda Birleşen Milletler Guramasynyň Ösüş maksatnamasynyň (BMGÖM) Türkmenistandaky hemişelik wekili Narine Saakýan we hemişelik wekiliň orunbasary Tomitsa Paowiç Lebap welaýatyna iş saparyny amala aşyrdylar...