Tomusda awtoulagy gyzdyrmak zerurmy?

  • 16.08.2020 16:42
  • 30k+

«За рулем» («Rul başynda») žurnalynyň hünärmeni Mihail Kolodoçkin tomusda awtoulagy herekete getirmezden ozal motory gyzdyrmagyň zerurdygy ýa-da ýokdugy baradaky soraga jogap berdi. Muny RIA Nowosti ýetirýär.

Hünärmeniň aýtmagyna görä, awtoulag herekete getirilmezden ozal motor bir minutlap gyzdyrylmaly. Şonuň bilen birlikde hem, awtoulag ýöräp ugrandan soň birnäçe minutlap tizligi aşa artdyrmaly däl.
Kolodoçkiniň belleýşi ýaly, ähli inženerler, şol sanda daşary ýurtly hünärmenler motory gyzdyrmagyň zerurlygy baradaky soragyna hemişe tassyklaýjy jogap berdiler.
Ol gyzdyrylmadyk motoryň temperaturasynyň işläp duran motoryňkydan hatda tomusda-da has pes bolýandygyny, şonuň üçin hereketlendirijidäki ýylylygyň optimal ululyga çalt ýetip bilmeýändigini düşündirdi. Bu porşen halkalary, silindr aýnalary ýaly detallaryň çalt könelmegine getirýär.
Mundan başga-da, islendik motor ýagynyň 20 gradus temperaturadaky şepbeşikligi motoryň işläp duran ýagdaýyndakysyndan has ýokarydyr. Şonuň üçin hem ýagyň sürtülme jübütlerine baryp ýetiş tizligi peselýär.

"Maşynyny ýygy-ýygydan çalyşýan adama motory gyşda-da, tomusda-da gyzdyrmak gerek däl: bir-iki ýyldan ol barybir başga awtoulag ediner. Awtoulagyň indiki eýesine nähili ýagdaýda barjagyna ähmiýet berip hem durmaz. Ýöne awtoulagyny ýygy-ýygydan çalşyp barmaýanlar üçin aladalanmaga esas bar" - diýip, Kolodoçkin sözüni jemledi.

Şeýle hem okap bilersiňiz:

düýn 21:31
10k+

Taksi bolan Mercedes 2 mln km-den gowrak ýol geçipdir, ýöne Finlýandiýanyň salgyt edarasy muňa ynanmady

Ozal Germaniýada taksi hökmünde ulanylan Mercedes-Benz E-Class 2,2 mln kilometrden gowrak ýol geçip, işe ukyply ýagdaýda galdy. Häzir awtomobil Finlýandiýada diýip, “Ilta-Sanomat” neşiri ýazýar. Ulagyň eýesi – ulanylan “Mersedesleri” satmak bilen meşgullanýan 36 ýaşly işewür Wille Rýaýsýanen...

düýn 16:15
5.5k+

Mercedes-Benz täze ulaglaryň önümçiligi üçin köneleri söküp başlar

Mercedes-Benz konserni Germaniýada köne awtomobilleri sökmek boýunça synag taslamasynyň işe girizilendigini habar berdi. Resmi maglumatlara görä, bu başlangyjyň maksady girdeji däl-de, daşky gurşawa ýetýän zyýanly täsiri azaltmakdyr: çig malyň bir bölegi gaýtadan işlenenden soň önümçilikde ulanylar...

düýn 13:44
3.5k+

Täze Lexus NX 2026 krossoweri hödürlendi

Lexus Hytaýda 2026-njy model ýylynyň NX krossowerini hödürledi. Awtomobil 299,8 müň ýuandan 509,8 müň ýuana çenli (takmynan, 42 müň ABŞ dollaryndan 71 müň dollara çenli) baha bilen alty görnüşde çykarylar. Model uly radiator gözenegi we matrisa çyralary bilen markanyň firma dizaýnyny saklap galdy...

25.08.2025 13:33
7.3k+

Bugatti we Jacob&Co ýüzlerçe göwher bilen Tourbillon giperkarynyň stilinde sagat döretdi

Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler...