ABŞ-nyň prezidenti Donald Tramp koronawirus ýokanjy pandemiýasynyň käbir görkeziji bahalarynda özüniň ýalňyşandygyny boýun aldy, bu barada UNN agentligi ýazýar.
“Men hemmeler ýalňyşlyga ýol berýär diýip hasaplaýaryn” – diýip, döwlet ýolbaşçysy Fox News telekanalyna beren interwýusynda, ýagny oňa onuň has şübheli bildirişlerinden bölekler görkezilende aýtdy.
Söhbetdeşlik wagtynda telekanal ABŞ-nyň prezidentiniň gürrüňiň, hakykatda, koronawirus sebäpli ýüze çykýan keseliň ölümlilik derejesi barada gidýärkä, “ölüm sany” diýen düşünjäni ulanýandygyny görkezdi. Tramp ABŞ-da bu görkezijiniň, munuň hakykata laýyk gelmeýändigine garamazdan, dünýäde iň pes görkezijidigini birnäçe gezek nygtady. Federal we ýerli hökümetleriň maglumatlarynyň esasynda hasap çykarýan Jons Hopkins amerikan uniwersiteti Birleşen Ştatlarda (7-nji orun) COVID-19 sebäpli ölüm derejesi Beýik Britaniýa, Meksika, Eýrana, Indoneziýa, Müsüre we Yraga garanda pes, ýöne Braziliýadan we Russiýadan başlap, beýleki ýurtlara garanda ýokary diýip hasaplaýar.
Şunuň bilen birlikde, Tramp 1-nji iýulda pandemiýanyň tiz tamamlanjakdygyna umyt bildirende hakykata garşy ýalňyşlyk goýbermändigini belledi. “Ahyrky hasapda meniňki dogry bolar” – diýip, ol pandemiýanyň iru-giç gutarjakdygyny göz öňünde tutup aýdýar.
Jons Hopkins uniwersitetiniň barlagçylarynyň maglumatlary boýunça, ABŞ-da koronawirus bilen kesellemegiň 3,73 mln ýagdaýy hasaba alyndy, 140 255 adam ýogaldy, 1 122 720 adam sagaldy. ABŞ-nyň territoriýasynda ölümiň ýokary sany esasan, Nýu-Ýork (34,4 müňden gowrak), Nýu-Jersi (15,7 müň töweregi) we Massaçusets (8,4 müňden gowrak) ştatlaryna degişli. Ýurtda yzygider üç gün koronawirus bilen 70 müňden gowrak adam keselleýär.
