“Google” korporasiýasy täze koronawirus bilen baglanyşykly tassyklanmadyk garaýyşlary ýaýradýan saýtlaryň mahabatlaryny gadagan eder. Bu barada anna güni kompaniýanyň metbugat sekretaryna salgylanyp, “Bloomberg” habar berýär diýip, tass.ru ýetirýär.
Habar berlişine görä, kompaniýada adamlar üçin howply bolup biljek galp lukmançylyk garaýyşlaryny özünde jemleýän çeşmeleriň mahabatlandyrylmagyna ýol bermezlik eýýämden berk ýola goýuldy.
Şeýlelik bilen, pandemiýa döwründe “Google” hünärmenleri şeýle mahabatlaryň 200 milliondan gowragyny ýüze çykardylar we böwetlediler.
Şeýle-de bolsa, korporasiýanyň ýolbaşçylary, koronawirus barada tassyklanmadyk maglumatlary ýaýradýan mahabat çeşmelerinden ýitgileriniň ýylyň ahyryna çenli 19 million dollara ýetip biljekdigine esaslanyp, goşmaça çäreleri görmek kararyna geldiler. Şunuň bilen baglylykda, awgust aýyndan başlap COVID-19 bilen gönüden-göni baglanyşygy bolan ýaşyryn garaýyşlary özünde jemleýän çeşmeler aýratyn ünsde saklanar.
Bularyň hataryna, mysal üçin, “Microsoft”amerikan tehnologiýalar korporasiýasynyň esaslandyryjysy Bil Geýtsiň koronawirusa garşy sanjymyň bahanasy bilen adamlara mikroçipleri ornaşdyrmak isleýändigini degişli etmek bolar. Tomusyň başynda bu çaklamalary "örän bolgusyz manysyz ýa-da geň" diýip atlandyrypdy. “Google”-da ýapylmaly mahabatlar awtomatiki ýagdaýda bolşy ýaly, kompaniýanyň işgärleri tarapyndan gönüden-göni hem gözegçilikde saklanylar.
“Google” – internet gözleg we mahabat tehnologiýalaryna maýa goýýan, onlaýn hyzmatlary we ýokary tehnologiýaly önümleri işläp taýýarlamak bilen meşgullanýan amerikan jemgyýetçilik korporasiýasy. Lari Peýj we Sergeý Brin tarapyndan esaslandyrylan bu kompaniýa 1998-nji ýylyň sentýabr aýynda hususy kärhana hökmünde hasaba alnypdy we häzirki wagtda ol “Alphabet” Holdingiň bir bölegi bolup durýar. Onuň dolandyryş edarasy Kaliforniýanyň Mauntin-Wiýew şäherinde ýerleşýär.
