Günüň üstünde ýanyp duran «odunlar» tapyldy. NASA we Ýewropa kosmos gullugy 77 million kilometr daşlykdan «Solar Orbiter» enjamynyň kömegi bilen alan ilkinji suratlaryny çap edýärler. Munuň özi Güne çenli ýoluň ýarysyna deňdir. Bu barada «Euronews» habar berýär.
Habar berlişine görä, oduna meňzeş, uly bolmadyk bu gurluşlar ilkinji gezek ýüze çykaryldy. Barlagçylar bularyň ägirt uly protuberanesleriň, ýagny Günüň ýüzünde ýumrulyp görünýän ýagty berýän gyzgyn gazlaryň kiçijik görnüşlerdigine ynanýarlar. Bu «odunlaryň» Günüň magnit meýdanyndaky magnit birleşmesi diýlip atlandyrylýan üýtgeşmeler bilen baglanyşykly bolmagy hem ähtimal.
«Solar Orbiter» bilelikdäki ýewropa-amerikan taslamasy bolup, ol fewral aýynda Kanaweral burnundan badalga aldy. Onuň 9 ýyl işläp biljekdigi çak edilýär. Enjam onlarça ylmy gural we agyr ýylylyk goragy bilen üpjün edilendir, bu bolsa ýyldyzyň 40 million kilometrine çenli golýalaşmaga mümkinçilik berer. Ýeri gelende bellesek, bu Güni öwrenýän beýleki hemralaryň işleýän aralygyna garanyňda has golaýdyr.
