Ýurtda ýokanç keselleriň ýaýramagynyň öňüni almak boýunça Döwlet meýilnamasynyň çäginde, zyýansyzlandyrmak maksady bilen, Türkmenistanda metjitler wagtlaýyn ýapyldy. Mundan başga-da, şeýle wagtlaýyn çäklendirmeler musulmanlaryň zyýarat edýän mukaddes ýerlerinde hem ýola goýlar we bu 23-nji iýula çenli dowam eder. Bu barada Arzuw News habar berýär.
Düýn BSGG-niň Ýewropa sebiti boýunça edarasynyň wekiliýetiniň Türkmenistana saparynyň netijeleri boýunça geçirilen brifingde Daşary işler ministri R.Meredow öz hasabatynda ýurtda ýokanç keselleriň ýaýramagynyň öňüni almak boýunça Döwlet meýilnamasynyň tapgyrlaýyn ýerine ýetirilişi barada çykyş edendigini bellemelidiris.
