Türkmenistanyň welaýat häkimlerinden beýleki ýolbaşçylara 7-nji iýuldan 6-njy awgusta çenli dynç almaga rugsat berler.
Prezident Gurbanguly Berdimuhamedow Ministrler Kabinetiniň giňişleýin mejlisinde eden çykyşynda geçen ýarym ýylyň görkezijileriniň erbet bolmandygyny kanagatlanma bilen belledi. Şunuň bilen baglylykda, ministrlikleriň we pudak edaralarynyň ähli ýolbaşçylaryna alty aýda edilen işleriň netijeleri boýunça maslahatlary geçirmek tabşyryldy.
Döwlet Baştutanynyň belleýşi ýaly, hökümet agzalary Arçmanda ýa-da Ýylysuwda we ýurdumyzyň beýleki şypahanalarynda dynç alyp bilerler.
Gurbanguly Berdimuhamedow Obasenagat toplumyna gözegçilik edýän wise-premýer E.Orazgeldiýewe ýüzlenip, pagta ýygymy bilen bagly ýolbaşçylar bilen maslahatlaşyp, bu meselä özleriniň seretmegini tabşyrdy. Eger, agrotehniki çäreler bilen bagly işleriň häzirki gyzgalaňly döwründe dynç almagy makul bilmeseňiz, onda siz pagta ýygymyndan soň dynç alyp bilersiňiz diýip, döwlet Baştutany aýtdy.
Türkmenistanyň hökümet düzüminiň ýolbaşçylary 7-nji iýul — 6-njy awgustda dynç alyşda bolarlar
- 05.07.2020 18:49
- 12k+
