Tokionyň ýaşaýjylarynyň ýarysyndan gowragy 2021-nji ýyldaky Olimpiada garşy çykdylar

Tokionyň ýaşaýjylarynyň ýarysyndan gowragy 2021-nji ýylyň tomsuna meýilleşdirilen Olimpiýa oýunlary ýa-ha ýene bir gezek yza süýşürilmeli, ýa-da düýbünden ýatyrylmaly diýip hasaplaýarlar, muny Kiodo agentligi we Tokyo MX telekanaly tarapyndan geçirilen jemgyýetçilik pikiriniň derňewiniň maglumatlary delillendirýär. Bu barada rsport.ria.ru habar berýär.
Halkara olimpiýa komiteti (HOK) we Tokioda Oýunlaryň guramaçylyk komiteti martyň ahyrynda koronawirus pandemiýasy sebäpli tomusky Olimpiadanyň 2021-nji ýyla süýşürilýändigi barada habar berdiler. Oýunlar 2021-nji ýylyň 23-nji iýulyndan 8-nji awgust aralygynda geçmeli.
Iýunda Tokioda Olimpiadanyň guramaçylyk komitetiniň agzasy Haruýuki Tahahasi turniriň gaýtadan süýşürilmegine rugsat berdi. Ol koronawirus täzeden ýaýran ýagdaýynda Oýunlaryň doly derejede ýatyrylmagynyň gerek däldigini, sebäbi ýagdaýyň şeýle gidişiniň ýapon we dünýä ykdysadyýetine ýaramaz täsir etjekdigini belledi.
Öň, HOK-nyň prezidenti Tomas Bah Tokioda Olimpiadanyň 2021-nji ýylda geçirilip bilinmedik ýagdaýynda, guramanyň turniri ýatyryp biljekdigini habar berdi. Onuň pikiriçe, Oýunlaryň gaýtadan süýşürilmegi mümkin däl, sebäbi halkara federasiýalara ýaryşlaryň senenamasyny her ýyl täzeden üýtgetmek bolmaýar.
Sorag edilenleriň 27,7%-i Olimpiadanyň doly ýatyrylmagyny goldaýarlar, 24%-i Oýunlar gaýtadan süýşürilmeli diýip hasaplaýarlar. Ilkibaşda, Tokioda Olimpiýa oýunlary şu ýylyň tomsunda geçmelidi, ýöne koronawirus ýokanjynyň pandemiýasy sebäpli bir ýyl yza süýşürildi.
Olimpiadanyň bellenilen möhletde geçirilmegini sorag edilenleriň 46,3%-i goldady, ýöne olardan 31,1%-i Oýunlar gysgaldylan formatda geçirilmeli diýip hasaplaýarlar. Jemgyýetçilik pikiriniň derňewi 26-syndan 28-nji iýun aralygynda tutuş ýurt boýunça tötänden aýlanan nomerler boýunça edilen jaňlaryň esasynda geçirildi. 1030 sany jogap alyndy.