Holliwud koronawirusyň Hytaýda ýaýraýşynyň ilkinji hepdeleri barada film düşürer

Holliwudda Hytaýda koronawirusyň ýaýramagynyň ilkinji hepdelerine bagyşlanan drama surata düşürmegi meýilleşdirýärler. Oňa SK Global Entertainment kompaniýasy prodýuserlik eder. Bu barada tk.media habar berýär.
Filmiň ssenarisini ýazmak Oskar baýragynyň eýesi Çarlz Rendolfa ynanyldy. Rendolf filmiň koronawirus pandemiýasyna bagyşlanan triller däl-de, eýsem, lukmançylyk dramasydygyny aýtdy. Taslamanyň awtorlary filmi Hytaýyň çäginde düşürmäge rugsat berler diýip umyt edýärler. Munuň üçin bolsa, ilki bilen, ýerli häkimiýetler bilen gepleşikleri guramaly bolar. "Wall Street Journal" neşiriniň habar bermegine görä, taslamany durmuşa geçirmek üçin näçeräk mukdarda pul gerek boljakdygy entek belli däl.
Eger-de hiç hili bökdençlik ýüze çykmasa, filmi surata düşürmek işleri indiki ýylyň birinji çärýeginde başlar diýlip çaklanylýar. Filmiň sýužeti, esasan, hytaýly lukmanlaryň ozal näbelli kesele garşy nähili göreşendikleri barada bolar. Filmiň ekranlara çykjak wagty barada gürleşmek üçin bolsa, heniz wagt bar.