28-nji iýunda Gurbanguly Berdimuhamedow agtyklary bilen Türkmenistanyň Prezidentiniň Ahalteke atçylyk toplumyna we “Altyn köle” baryp gördi.
Gurbanguly Berdimuhamedow agtyklary bilen toplumyň ýapyk manežine geldi. Bu ýere milli Liderimiziň agtygy Kerim ajaýyp ahalteke bedewlerini açyk maneže alyp geldi. Şu pursatda döwlet Baştutanymyzyň uly agtygy Enejan bedewiň suratyny çekmäge başlady. Milli Liderimiziň beýleki agtyjagy Aýgül özüniň zehin siňdirip dokan alajasyny bedewiň boýnuna dakdy. Hormatly Prezidentimiziň agtyjagy Aýjeren hem dokan alajasyny behişdi bedewiň boýnuna dakdy. Soňra hormatly Prezidentimiz Şapolat atly bedewe atlandy we manežiň çapuw ýodasynda öwrüm etdi.
Soňra döwlet Baştutany agtyjaklary bilen “Altyn köle” bardylar. Hormatly Prezidentimiz agtyklary bilen ýörite suw ulagyna münüp, kölde birnäçe öwrüm etdi.
Türkmen Lideri soňra agtygy Kerim bilen skuterde kölde ýüzüşi amala aşyrdylar.
Gurbanguly Berdimuhamedow agtyklary bilen atçylyk toplumyna we “Altyn köle” baryp gördi
- 29.06.2020 11:05
- 18k+
