Artur Konan Doýlyň mirasdüşerleri Netflix-i suda berdiler

Kazyýet işi "Enola Holms" seriýasynyň döredilmegi sebäpli gozgaldy, diýip Yandex habar berýär.
Meşhur Şerlok Holmsy döreden Artur Konan Doýlyň garyndaşlary Netflix-i "Enola Holms" seriýalynyň döredilmeginde awtorlyk hukuklarynyň bozulandygy üçin suda berdi. Bu barada "The Independent" habar berýär. Filmiň ylmy-fantastik ýazyjysy Nensi Springeriň Şerlok Holmsyň kiçi uýasy hakda ýazan kitaplarynyň toplumyna esaslanýandygy bellenildi.
2014-nji ýylda Konan Doýlyň mirasdüşerleri 1923-nji ýyla çenli ýazylan detektiw hakda eserler üçin hak almagy bes etdiler, sebäbi kazyýet olary jemgyýetçilik gazananlary diýip ykrar etdi. Şeýle-de bolsa, ýazyjynyň garyndaşlary seriýalda Konan Doýlyň bu gadagançylyga girmeýän soňraky hekaýalaryna salgylanmalaryň bardygyny tekrarlaýarlar.
Kazyýet işiniň Netflix-e, “Legendary Pictures” film kompaniýasyna, “Penguin Random House” neşirýatyna, ssenaristler Nensi Springere we Jek Torne, şeýle hem režissýor Garri Bredbire garşy gönükdirilendigini bellemelidiris. Mirasdüşerler Konan Doýlyň "asyl awtorlyk edähetleriniň laýyk gelmezligi" bilen baglanyşykly nägilelik bildirdiler. Şeýle hem, bu seriýalda 1923-nji ýyldan soň ýazylan hekaýalarda Holmsa mahsus bolan "adamlara duýgudaşlygy we garaýşy" görkezilýändigini mälim etdiler.
“Enola Holms” filminiň premýerasy şu ýylyň ahyrlaryna meýilleşdirilýär. Onda esasy zenan roly Milli Bobbi Braun ýerine ýetirer we aktýor Genri Kawill Şerlokyň keşbini janlandyrar.