“Sony Interactive Entertainment” “HackerOne” bilen bilelikde “PlayStation Bug Bounty” jemgyýetçilik programmasyny önümçilige girizdi. Kiberhowpsuzlyk boýunça hünärmenler we pleýsteýşn oýunçylary üçin bolsa PlayStation 4-iň (PS4) konsolyndan kemçilik tapyp, pul gazanmaga mümkinçilik döredi.
Öndürijiler ýüze çykaryljak islendik kemçilik üçin pul baýragyny hödürleýärler. Baýrak 50 müň dollardan başlanýar. Ondan öň “Sony” diňe birnäçe gözlegçiniň kömeginden peýdalanýardy. Ýöne soň kompaniýa bu programmany has köp ulanyja elýeterli etmek kararyna geldi.
“PlayStation” öz blogunda: "Köpçülikleýin barlagyň howpsuzlygy ýokarlandyrmakda möhüm rol oýnaýandygyny bilýäris, şonuň üçin programmamyzy has giň jemgyýetçilik üçin elýeterli etmekden hoşaldyrys" diýip belleýär.
“PlayStation”-yň UX dizaýn taslamasynyň wise-prezidenti Matt MakLorin öňümizdäki “PlayStation 5” (PS5) konsolynyň düýbünden täze interfeýs aljakdygyny aýtdy. NEWS.ru muny "operasiýa ulgamynyň gaty täsin ewolýusiýasy" diýip häsiýetlendirdi.
“Sony” PS4-de ýüze çykaryljak islendik kemçilik üçin 50 müň dollar tölär
- 27.06.2020 09:02
- 4.9k+
