BSGG koronawirus pandemiýasynyň täze howply döwri barada aýtdy

Ýer ýüzi SARS-CoV-2 koronawirus pandemiýasynyň täze howply döwrüne girişdi, bu barada Bütindünýä saglygy goraýyş guramasynyň baş müdiri Tedro Adhanom Gebreýesus Ženewadaky brifingde mälim etdi. Bu barada TASS-a salgylanmak bilen lenta.ru habar berýär.
Gebreýesus wirusyň uly tizlik bilen ýaýraýandygyny ýatlady: 18-nji iýunda gurama 150 müňden gowrak täze kesel ýagdaýy barada habar aldy. Olar, esasan, Demirgazyk we Günorta Amerika, şeýle-de Ýakyn Gündogara we Günorta Aziýa degişli.
“Köp adamlaryň öýde galmakdan ýadandygy baradaky fakt bu ýagdaýa düşünmäge çagyrýar. Ýurtlaryň hem öz jemgyýetini we ykdysadyýetini açmak islegine-de düşünmek bolýar” – diýip, BSGG-niň baş müdiri seresaplylyk çäreleriniň kömegi bilen hüşgär bolmaga we infeksiýa bilen göreşi dowam etdirmäge çagyrmak bilen belleýär.
BSGG-niň ýolbaşçysy wirusyň sanitar şertlerine we beýleki maddy nygmatlara elýeterliligi bolmadyk bosgunlara aýratyn howp salýandygyny ýatlap geçdi. Tedros Adhanom Gebreýesus ähli döwletleri seresaplylyk çärelerini berjaý etmäge, raýatlary bolsa koronawirus bilen kesellänlerinde öýde galmaga çagyrdy. Mundan başga-da, ähli ýurtlaryň hökümetleri, BSGG-niň ýolbaşçysynyň bellemegine görä, COVID-19 üçin barlaglary geçirmegi, şeýle-de kesellileri üzňelikde saklamagy we bejermegi dowam etdirmeli. Jons Hopkinsiň uniwersitetiniň maglumatlary boýunça pandemiýa tutuş dünýä boýunça 8,5 million adama degdi. 454 müňden gowrak adam COVID-19 täze görnüşli koronawirus bilen bagly ýüze çykan sebäpler zerarly ýogaldy.