Şazada Çarlz gutulandan soňky koronawirusyň netijeleri barada aýtdy

71 ýaşly Uels şazadasy Çarlz koronawirus infeksiýasyny başdan geçirdi. Ol koronawirusdan gutulanyndan soň ys alyş we tagam duýgularynyň doly derejede dikelmändigini aýtdy, bu barada “Independent” gazeti ýazýar, muny rns.online ýetirýär.
16-njy iýunda Çarlz Glosterşir şa hassahanasyna bardy we ol ýerde hassahananyň işgärleri bilen gürleşdi. Söhbetdeşligiň dowamynda ol gutulandygyna garamazdan, ys we tagam duýmaýandygyny aýtdy.
“Ol özüniň şahsy tejribesi barada aýtdy... Ol özüniň ys alyş we tagam biliş duýgularyny ýitirendigi we häzir bularyň özünde bardygyny duýýandygy barada aýtdy” – diýip, duşuşyga gatnaşan hassahananyň işgärleriniň biri belleýär.
Professor Karl Filpot gazet bilen söhbetdeşlikde wirus ýokanjy bilen kesellänleriň köpüsiniň şeýle ýagdaý bilen çaknyşýandygyny düşündirdi. Onuň aýtmagyna görä, burundaky reseptor öýjükler özleriniň nerw böleklerini ýitirýärler, şol sebäpden adam ysy kabul etmegi bes edýär.
Täze görnüşli koronawirusyň alamatlary şazada Çarlzda 22-nji martda peýda boldy. Ertesi gün şa maşgalasynyň agzasy bu kesel üçin barlagdan geçdi, ol 24-nji mart gijesi položitel netijäni berdi. Aýyň ahyryna çenli ol üzňelikde saklanyldy. Onda keseliň gowşak alamatlary bardy. Onuň aýalynyň analizi keseliň bardygyny görkezmedi. Martyň ahyrynda Çarlz gutuldy we üzňelikde saklanmakdan aýryldy. Bellenilip geçilişi ýaly, ol özüni gowy duýýar we hökümetiň maslahatlaryny berjaý edýär.