Moskwada temperatura 1892-nji ýylyň rekordyny täzeledi

Moskwada temperatura 17-nji iýunda 31,4 gradusa ýetdi, bu bolsa bir asyr mundan öňdäki goýlan rekorddan 0,6 gradus ýokarydyr. Şol gün temperatura 30,8 gradusa çenli ýokarlanypdy, bu barada Gidrometeorologiýa merkeziniň ylmy ýolbaşçysy Roman Wilfand habar berýär, muny ria.ru ýetirýär.
“1892-nji ýylda, ýagny Aleksandr III döwründe goýlan temperatura rekordy täzelendi we 0,6 gradus bilen üsti ýetirildi – 31,4 gradus Moskwada Rosgidromet stansiýasynda bellige alyndy. Bu soňky çäk däl, temperaturanyň heniz ýene ýokarlanmagy mümkin, ýöne rekord eýýäm peseldi” – diýip, Wilfand aýdýar. Rosgidromet ýagdaýlaýyn merkeziniň başlygy Ýuriý Warakin 17-nji iýunda täzelenen rekordyň bu senä ýakyn bolan günlerde bellige alnan iň pes görkeziji bolandygyny belledi. “17-nji iýun iň yssy gün boldy diýmek gerek däl, sebäbi bu ýerde iň gowşak rekord. 16-njy iýun üçin rekord 32 gradus diýeli, soňky günler has hem ýokary rekorda garaşylýar” – diýip, Warakin belleýär. Öň, yssy howa Moskwada hepdäniň ahyryna çenli saklanylar diýlip habar berildi.