“Oskar-2021” dabarasy apreliň ahyryna geçirildi

Kinematografiýa sungatynyň we ylymlaryň Amerikan akademiýasy “Oskar-2021” baýragynyň gowşurylyş dabarasy boýunça netijä geldi. Ol adaty formatda “Dolbi” teatrynyň meýdançasynda geçer, ýöne öň meýilleşdirilişi ýaly 28-nji fewralda däl-de, 25-nji aprelde geçer. Bu barada kinoafisha.info habar berýär. Dalaşgärler 15-nji martda belli bolar.
“Onlarça ýylyň dowamynda kino ruhlandyrmak, göwnüňi açmak we iň kyn pursatlary başdan geçirmäge kömek etmek bilen, biziň durmuşymyzda möhüm roly oýnady. Biz “Oskar” üçin arzalary kabul etmek döwrüniň uzaldylmagynyň kinematografiýaçylara özleriniň gözegçilikde saklap bilmejek wakalaryň netijelerini özlerinde duýman, filmlerini tamamlamaga we olary kinoteatrlarda görkezmäge kömek eder diýip umyt edýäris” – diýip, Akademiýanyň prezidenti Dewid Rubin we ýerine ýetiriji müdir Doun Hadson özleriniň beýannamasynda belleýärler.
Şeýle-de, aprelde kinoakademiýa Los-Anjelesde ilkinji myhmanlaryny 2020-nji ýylyň dekabrynda kabul etmeli bolan Kinematograf muzeýini açmagy meýilleşdirýär.
“Oskaryň” täze düzgünlerine laýyklykda, uzyn-sanawa dalaş edýän filmler 2020-nji ýylyň 1-nji ýanwaryndan 2021-nji ýylyň 28-nji fewral aralygy çykarylmaly. Koronawirus pandemiýasy köp sanly kartinalaryň prokatyny tas ýarym ýyl saklady, şonuň üçin şeýle çäreler baýraga dalaş etmäge isleg bildirýänlere öz taslamalarynyň relizi üçin täze seneleri tapmaga kömek eder. Şeýle-de, bu ýylda saýlap alynma uly ekranlarda görkezilmeli bolan, ýöne COVID-19 sebäpli onlaýna geçmeli bolan kartinalar hem gatnaşyp bilýär. Umumy kategoriýalara gatnaşmak möhleti 2021-nji ýylyň 15-nji ýanwaryna çenli.
“Oskar-2021” taryhda süýşürilen dördünji dabara bolar. Birinji gezek bu ýagdaý Los-Anjelesdäki güýçli suw joşguny sebäpli bolup geçdi, 1968-nji ýylda dabara Martin Lýuter Kingiň (kiçi) öldürilmegi sebäpli soňa goýuldy, 1981-nji ýylda prezident Ronald Reýgana kast edilme sebäpli süýşürildi.