Germaniýa döwlet serhedindäki ähli çäklendirmeleri aradan aýyrdy

Duşenbe gününden başlap, germaniýa döwlet serhedindäki ähli çäklendirmeleri ýatyrýar — raýatlar pandemiýadan öňki döwürdäki ýaly, indi hiç hili päsgelçiliksiz serhetden geçip bilerler. Degişli karary ýurduň hökümeti kabul etdi, diýip Trend agentligi habar berýär.
GFR 17-nji martdan daşary ýurtlara saparlara çäklendirme girizipdi. Şol wagtda bäri döwlet serhedinden federal polisiýanyň 6 müňden gowrak işgäri nobatçylyk etdi. soňky üç aýyň içinde 200 müňe golaý adam GFR-iň çägine salynmady, diýip içeri işler ministri Horst Zeehofer belleýär. Maý aýynyň ortalaryndan başlap, serhet gözegçiligi düzgüni az-kem ýeňilledildi, indi bolsa bu düzgün asla ýatyryldy.
Şeýle hem Ýewropanyň 29 sany döwletine (ÝB-niň we Şengeniň agzalary) syýahat etmek howpy boýunça duýduryş hem aýryldy. Bu hili çözgüdi ýurduň hökümeti gansy hem bolsa bir ýurtdaky ýagdaý öz raýatlary üçin howp salyp biljek bolanda kabul edýär. Bu düzgüniň ýatyrylmagy yzygiderli uçuşlaryň dikeldilmegini aňladýar.
Şol bir wagtda Ýewropanyň çäginden daşardaky 160-dan gowrak döwlete gitmeklik boýunça çäklendirmeler 31-nji awgusta çenli saklanýar. Bu diýildigi, Germaniýanyň ýaşaýjylarynyň dynç alyşlaryny Afrika, Aziýa, Amerika döwletlerinde geçirip bilmez diýmekligi aňladýar. Sentýabr aýyna çenli ýurtlardaky epidemiologik ýagdaýyň kadalaşyşyna görä, çäklendirmeler aýrylyp bilner.