Iň gowy film üçin “Oskara” dalaşgärleriň sany üýtgedildi

“Iň gowy film” kategoriýasynda “Oskar” kinobaýragyna dalaşgärleriň sany hemişelik ediler. Düzgün 94-nji baýrak gowşurylyş dabarasyndan başlap güýje girer, “Iň gowy film” kategoriýasynda baýrak üçin on dalaşgär göreşer, bu barada Amerikan kinoakademiýasynyň saýtynda habar berilýär, muny diletant.media ýetirýär.
Täze düzgün girizilmezinden öň, “Oskar” üçin göreşde nominasiýa 10-dan köp bolmadyk kartina gatnaşýardy, ýöne kähalatlarda olaryň sany az hem bolýardy. Meselem, 2019-njy ýylda kategoriýa sekiz dalaşgär girizildi, 2018-nji we 2020-nji ýyllarda olaryň sany dokuz boldy.
Üýtgeşme filmleri saýlamaklyga degişli düzgüne hem girizildi. Indi kinoakademiýa öz agzalaryna “Oskara” gatnaşmaga dalaş edýän kartinalary onlaýn görkezer. Tomaşa tutuş bir ýyl dowam eder. Şeýle etmek bilen “ähli mynasyp filmlere tomaşa etmek mümkinçiligini üpjün etmek we mümkinçilikleri deňlemek” meselesi çözüler.
Koronawirus pandemiýasy sebäpli “Oskara” dalaşgärleri saýlamaklyga birinji gezek kinoteatrlaryň ýapylmagy bilen onlaýnda görkezilen filmleri goşmak kararyna geldiler.
Ýatlap geçsek, 2020-nji ýylyň fewralynda “Oskar” baýragynyň 92-nji gowşurylyş dabarasy geçirildi. “Iň gowy film” kategoriýasynda Pon Çžun Ho režissýoryň “Parazitler” günorta koreý kartinasy ýeňiş gazandy. Bu esasy nominasiýada “Oskar” baýragyny alan ilkinji iňlis dilinde bolmadyk film.
Öň, Amerikan kinoakademiýasy “Oskar” baýragynyň 93-nji gowşurylyş dabarasyny koronawirus pandemiýasy sebäpli süýşürmek barada pikirlendi. Häzirki wagtda “Oskary” gowşurmak 2021-nji ýylyň 28-nji fewralyna meýilleşdirilen.