Amazon ABŞ-nyň polisiýalaryna ýüzi anyklaýjy tehnologiýany ulanmagy gadagan etdi

  • 12.06.2020 23:04
  • 6.3k+

ABŞ-daky tertipsizlikler sebäpli iri kompaniýalar ýüzi anyklaýjy tehnologiýalary ulanmakdan boýun gaçyrýarlar. Ilki IBM, indi bolsa Amazon we Microsoft kompaniýalary polisiýalara bu gurşawda olaryň önümini ulanmagy gadagan etdiler. Ol ýerde polisiýalaryň elinde tehnologiýa adamlaryň hukuklaryny we erkinliklerini çäklendirýär diýip hasaplaýarlar.
Amazon kompaniýasy onuň ýüzi anyklaýjy tehnologiýasyny ABŞ-nyň polisiýalary tarapyndan ulanylmagyna birýyllyk moratoriý (gadaganlyk) girizdi. Bu barada kompaniýanyň beýannamasynda aýdylýar, muny novayagazeta.ru ýetirýär.
Kompaniýada onuň hemişe ýüzi anyklaýjy tehnologiýalaryň etiki ulanylyşyny sazlaýan berk düzgünleriň ugrunda çykyş edýändigi bellenilip geçildi. Kompaniýa bir ýylyň Kongresiň olary girizmegi we zerur bolan ýagdaýynda kömek bermäge taýýardygyny habar etmek üçin ýeterlikdigine ynam bildirýär. Çagalary gözlemek, adam söwdasynyň pidasyndan halas etmek we maşgalalary birikdirmek bilen meşgullanýan guramalar bolsa öňküsi ýaly Amazon Rekognition tehnologiýasyny ulanmagy dowam etdirip bilerler.
Amazon bilen IBM kompaniýalarynyň yzy bilen Microsoft amerikan korporasiýasy hem çykyş etdi. Kompaniýa ýüzi anyklaýjy ulgamy hukuk goraýjylara satmajakdygyny habar berdi.
“Biz bu tehnologiýanyň ulanylyşyny sazlaýan adam hukuklaryna esaslanýan milli kanun ýüze çykýança, ýüzi anyklaýjy ulgamy ABŞ-nyň polisiýalaryna satmarys” – diýip, kompaniýanyň prezidenti Bred Smit düşündirýär.
Polisiýa tarapyndan ýüzi anyklaýjy tehnologiýalaryň ulanylmagy baradaky mesele ABŞ-da afrikan-amerikan Jorj Floýduň Minneapolisde tutulanyndan soňky ölümi sebäpli ýüze çykan närazylyklar bilen baglylykda maslahatlaşylyp başlandy. 9-njy iýunda Demokratik partiýanyň agzalary ABŞ-nyň kongresine federal hukuk goraýjy organlaryna degişli sistemalaryň ulanylmagyny gadagan edýän kanun taslamasyny girizdi.

şu gün 12:26
1.1k+

Amerikan restoranynda azatmahynyň emeli eti hödürlenip başlandy

ABŞ-nyň Azyk önümlerine we derman serişdelerine gözegçilik edarasy (FDA) Wildtype kompaniýasynyň barlaghanasy tarapyndan döredilen “ýabany azatmahynyň” (losos) emeli etiniň satuwyny tassyklady. Önüm howpsuz diýlip ykrar edildi we eýýäm Oregon ştatynyň Portlend şäherindäki Kann restoranynda myhmanlara hödürlenýär diýip, The Verge habar berýär...

düýn 13:18
2.6k+

Samsung kagyz ekranly mahabat tagtasyny çykardy. Ol elektrik çeşmesine birikdirilmezden işleýär

Günorta Koreýanyň Samsung Electronics tehnologiýa ägirdi Сolor E-Paper sanly mahabat tagtasynyň global satuwyna başlady. Enjam reňkli elektron syýa tehnologiýasynyň esasynda gurlan we hemişelik energiýa çeşmesi bolmazdan şekilleri görkezmäge ukyply...

10.06.2025 13:04
2.8k+

Tellurdan ýasalan implantat syçanlaryň görüş ukybyny dikeltdi, maýmynlarda bolsa güýçlendirdi

Hytaýly alymlar tellur nanosimlerden dokalan protez torly bardany (setçatka) işläp taýýarladylar. Bu enjam kör syçanlaryň görüş ukybyny bölekleýin dikeltdi we ozaldan hem görýän makaklaryň (maýmyn) ýakyn infragyzyl şöhläni görmegine mümkinçilik berdi...

03.06.2025 20:52
3.9k+

Raibo atly koreýaly robot it diwaryň ýüzünden ylgamagy we parkury özleşdirdi

Günorta Koreýanyň Robototehnika we emeli aň barlaghanasynda işlenip taýýarlanan dört aýakly robot Raibo parkury özleşdirdi. Ol dik diwaryň ýüzünden ylgap, 1,5 metre çenli beýiklikdäki päsgelçiliklerden böküp we daşlyk ýerlerde hereket edip bilýär diýip, Science Robotics žurnalynda aýdylýar...