NASA: Jeýms Uebb kosmiki teleskopuny uçurmak işi näbelli möhlet bilen soňa goýuldy

NASA-nyň ylmy edarasynyň ýolbaşçysy Jeýms Uebb kosmiki teleskopunyň 2021-nji ýylyň mart aýynda işe girizilmejekdigini tassyklady, çünki koronawirus pandemiýasy onuň üstünde alnyp barylýan işiň gowşamagyna getirdi. Bu barada astronews.ru habar berýär.
Milli akademiýalaryň kosmiki derňewleri boýunça geňeşiniň onlaýn-mejlisinde eden çykyşynda NASA-nyň ýolbaşçysynyň ylym boýunça orunbasary Tomas Zurbuhen JWST-niň üstünde alnyp barylýan işiň pandemiýa çenli birnäçe aý oňyn alnyp barlandygyny, ýöne mart aýyndan işiň gowşamagynyň missiýany öňki tertibinde saklamaga mümkinçilik bermändigini belledi.
“Biz ony martda uçurmarys” – diýip, ol aýdýar. Haçan-da NASA pandemiýa sebäpli martda öz merkezlerini ýapyp başlanynda, Günorta Koreýada Northrop Grumman obýektlerinde kosmiki telegrafyň integrasiýasynyň we synagynyň üstünde iş alyp baran işgär öýüne dolandy. NASA-nyň resmi adamlarynyň ol ýerde işleriň saklanyljakdygy barada başdaky teswirlerine garamazdan, ol ýerde işler dowam etdirildi, şol sanda 9-njy iýunda NASA teleskopuň nobatdaky synaglary barada hem habar berdi.
Ýaňy-ýakynda JWST-niň üstünde alnyp barylýan işleriň depginini dikeltmek boýunça hereket başlanyldy. Muňa garamazdan, NASA-nyň Goddard adyndaky kosmiki uçuşlar merkezinde JWST-niň uly ylmy işgäriniň orunbasary Jonatan Gardner geçen hepde taslamanyň 2021-nji ýylyň martynda işe girizilmek senesini süýşürmeli boljakdygyny aýtdy. “Biz eglenmeli bolýarys” – diýip, ol belleýär.
NASA heniz JWST-ni uçurmagyň täze senesini atlandyrmady. “Bize häzirki şertlerde işiň täze netijeliligini öwrenmek gerek. Biz tertibi gözden geçirmek arkaly kalibrlemeli we öňe tarap hereket etmeli” – diýip, Zurhuben aýdýar. Hasap tertibi, onuň aýtmagyna görä, iýula meýilleşdirilen.
Ol heniz hem JWST-niň 2021-nji ýylda Fransuz Gwianasyndan Ariane 5-de uçurylmagyna umyt bildirýär. “Men munuň badalga meýdançasyndan 2021-nji ýylda uçmagyna örän optimistik ýagdaýda taýýarlandym”.